Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

୧ ଥେସଲନୀକିୟ 1 - New Testament in Pengo Parja Language


ଜୱାର୍‌

1 ଇ ଚିଟି ପାଉଲ, ଶିଲା ଆରେ ତିମତି ଲେକିକିତାର୍‌ନା। ଥେସଲନିକିୟ ସହର୍‌ନି ମଣ୍ଡ୍‌ଲିତାକେ ଆପେଙ୍ଗ୍ ଇ ଚିଟି ଲେକିକିନାପା, ଇନେର୍‌କି ଆବା ଈଶ୍ୱର ଆରେ ମାପୃ ଯୀଶୁ ଖ୍ରୀଷ୍ଟନି ମାନାୟ୍। ଈଶ୍ୱର ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।


ଥେସଲନିକିୟ ସହର୍‌ନି ମାନାୟାର୍ ପାର୍ତି କିତାର୍

2 ଆପେଙ୍ଗ୍ ୱିଜୁଦିନ୍ ଈଶ୍ୱରତାକେ ମି କାଜିଙ୍ଗ୍ ଦନ୍ଯବାଦ୍ ହିନାପା, ମିଙ୍ଗେଙ୍ଗ୍ ଏତ୍‌କିଜି ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା।

3 ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍‌ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍‌କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍‌ତିସ୍‌ ପା ସମ୍ବାଲି କିନାଦେରା।

4 ଈଶ୍ୱରତିଙ୍ଗ୍ ପାର୍ତିକିନି ଟଣ୍ଡାର୍‌କାଦେର୍ ଏପେଙ୍ଗ୍ ପୁନାଟ୍ ଯେ, ମିଙ୍ଗେଙ୍ଗ୍ ଈଶ୍ୱର ଲାଡ୍ କିଦ୍‌ନାନା, ଆରେ ମିଙ୍ଗେଙ୍ଗ୍ ତା ଲକ୍ କିଦ୍‌ଦେଙ୍ଗ୍ ବାଚି କିତ୍‌ତାନ୍‌ନା।

5 ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ୱେଚ୍‌ଚିତି ହାର୍ଦିକାବୁର୍ ଆପ୍‌କା କାତା ଆକାୟ୍, ମାତର୍ ପବିତ୍ର ଆତ୍ମା, ଶାକ୍ତି ଆରେ ସତ୍। ଏପେଙ୍ଗ୍ ପୁଚାଦେର୍‌ନା ଯେ, ଆପେଙ୍ଗ୍ ଏଚେପାଦ୍ନା ମିହୁଦାଙ୍ଗ୍ ମାନ୍‌ଞ୍ଜି ହାର୍ଦିକାବୁର୍ ଶୁଣାୟ୍ କିଜି ମାଚାପ୍। ଆପେଙ୍ଗ୍ ଇନେସ୍‌କିଜି ମିହୁଦାଙ୍ଗ୍ ବ୍ଯବହାର୍ କିଜି ମାଚାପ୍, ହେଦାଙ୍ଗ୍ ସାକି ହିନାତା ଯେ, ଆପେଙ୍ଗ୍ ସତ୍ ହାର୍ଦିକାବୁର୍ ଶୁଣାୟ୍ କିଜି ମାଚାପ୍‌।

6 ଆରେ ବେସି ଦୁଃକ୍ କଷ୍ଟ ପାୟାଆଜି ମାଚିସ୍ ପା, ଏପେଙ୍ଗ୍ ପବିତ୍ର ଆତ୍ମା ହିତ୍‌ତି ହାର୍ଦିକାବୁର୍ ୱାରିୟା ଆଜି ଆସ୍ତାଦେର୍। ଆପେଙ୍ଗ୍ ଆରେ ମାପୃ କିତିଲେକେ ଏପେଙ୍ଗ୍ କିତାଦେର୍।

7 ଏପେଙ୍ଗ୍ ମାକଦନିଆ ଆରେ ଆକାୟା ସହର୍‌ତାକେ ମାନି ପାର୍ତିକିନି ମାନାୟାର୍ ହିକ୍ଷାହିନି କାଜିଙ୍ଗ୍ ହାର୍ କାମାୟ୍ ୱିଜୁକିଜି ମାଚାଦେର୍।

8 ଏପେଙ୍ଗ୍ ମାପୃ ହାର୍ଦିକାବୁର୍‌ତିଙ୍ଗ୍ ମାକଦନିଆ ଆରେ ଆକାୟା ସହର୍‌ତାକେ ୱେଚ୍‌ଚାଦେର୍ ହେଦାଙ୍ଗ୍ ଆକାୟ୍, ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିନାଦେରା ଇଞ୍ଜି ୱିଜୁ ନିପଣ୍ ବିଚାଆତାତ୍। ଈଶ୍ୱର ମି କାଜିଙ୍ଗ୍ ଇନାକା କିତାନ୍‌ନା, ହେଦାଙ୍ଗ୍ ଆପେଙ୍ଗ୍ ମାନାୟାରିଙ୍ଗ୍ ୱେଚ୍‌ଚିନି ଦର୍‌କାର୍ ଆକାୟ୍।

9 ମାନାୟାର୍ ନିଜେ ମା ବିଷୟରେ ଇଞ୍ଜ୍‌ନାରା ଯେ, ଏଚେପାଦ୍ନା ଆପେଙ୍ଗ୍ ମିତାକେ ୱାତାପ୍ ହେପାଦ୍ନା ଇନାକା ଗଟାଆଜି ମାଚାତ୍। ଆରେ ଏପେଙ୍ଗ୍ ମୁର୍ତି ପୁଜା କିନାକା ପିସ୍ତି, ସତ୍ ଆରେ ଯିବୁନ୍ ମାନି ଈଶ୍ୱରତିଙ୍ଗ୍ ପୁଜା କିତାଦେର୍,

10 ଆରେ ଈଶ୍ୱର ତା ମେହିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍। ନଙ୍ଗୟ୍‌ୱାନି ଦଣ୍ଡ୍‌ତାଙ୍ଗ୍ ରକ୍ଷା ପାୟାଆନି କାଜିଙ୍ଗ୍ ଉଦାର୍ କିଦ୍‌ନି ଯୀଶୁ ସରଗ୍‌ତାଙ୍ଗ୍ ୱାନାନ୍ ଇଞ୍ଜି କାନାଦେରା। ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ଜିବୁନ୍‌ତିଙ୍ଗ୍ ବାଦ୍‌ଲାୟ୍ କିଜି ଈଶ୍ୱରତିଙ୍ଗ୍ ପାର୍ତି କିତାଦେର୍।

Pengo Parja Bible by The Love Fellowship is licensed under Creative Commons Attribution-ShareAlike 4.0 License.

Beyond Translation
ကြှနျုပျတို့နောကျလိုကျပါ:



ကြော်ငြာတွေ