Psalms 113 - Holy Bible Nigerian Pidgin English

Praiz God For En Goodness

¹ Make una praiz God! Una wey bi God savants, make una praiz am!

² Make praiz bi God name naw and forever!

³ Pipol go praiz God name from east go rish west.

⁴ Dem dey praiz am ova all di nashons and en glory high pass di sky for heaven.

⁵ Na who wi go take kompare di Oga awa God wey sidan for di high throne?

⁶ E dey bend look di sky and di eart.

⁷ E dey take poor pipol komot from dirty kon remove doz wey nid help from where yeye tins dey,

⁸ so dat E go put dem for where prince dey-dey and dem go dey with en pipol wey bi prince.

⁹ Woman wey nor get pikin, E dey gi-am shidren kon make am dey happy. So, make wi praiz God!