Yochanan 14 - Der Ortodoksishe Yidisher Bris Chadasha

kapitel fertsen

¹ zol eier harts zich nisht baumruiken; ir gloibt in Hashem, gloibt oich in mir.

² in main foters hoiz iz do a sach voinungen; volt es nisht azoi geven, volt ich es aich gezogt; vail ich gei tsugreiten an ort far aich.

³ un ven ich gei un greit tsu an ort far aich, vel ich vider kumen, un aich nemen tsu mir, kedei vu ich bin, zolt ir oich zain.

⁴ un vuahin ich gei, veist ir, un ir kent dem veg.

⁵ zogt Toma tsu im: Har, mir veisen nisht vuahin du geist; un viazoi kenen mir visen dem veg?

⁶ zogt tsu im Yeshua/Yehoshua: ich bin der derech (Hashem) un der emes un dos leben; keiner kumt nisht tsum foter, achuts durch mir.

⁷ oib ir volt mich gekent, volt ir oich gekent main foter; un fun itst on kent ir im un hot im gezen.

⁸ zogt Filipos tsu im: Har, vaiz undz dem foter, un es vet zain genug far undz.

⁹ zogt Yeshua/Yehoshua tsu im: aza lange tsait bin ich shoin mit aich, un du kenst mich nisht, Filipos? ver es hot mich gezen, der hot gezen dem foter; un viazoi zogstu: vaiz undz dem foter?

¹⁰ tsi gloibstu den nisht, az ich bin in dem foter un der foter iz in mir? di verter vos ich red tsu aich, red ich nisht fun mir alein; nor der foter, vos voint in mir, tut zaine maisim.

¹¹ gloibt mir, az ich bin in dem foter un der foter in mir; un oib nisht, gloibt tsulib di maisim alein.

¹² beemes, beemes zog ich aich: der, vos gloibt in mir, di maisim vos ich tu, vet er oich ton; un gresere vi di dozike vet er ton, vail ich gei tsu dem foter.

¹³ un vos ir vet nor beten in main nomen, vel ich dos dozike ton, kedei der foter zol farherlecht veren in dem zun.

¹⁴ oib ir vet mich epes beten in main nomen, vel ich es ton.

¹⁵ oib ir hot mich lib, zolt ir halten maine geboten!

¹⁶ un ich vel beten dem foter, un er vet aich geben an andern Paraklit, kedei er zol zain mit aich oif eibik;

¹⁷ dem Gaist fun emes, vos di velt ken im nisht oifnemen, machmas zi zet im nisht un ken im nisht; ir kent im yo, vail er blaibt bai aich un vet zain in aich.

¹⁸ ich vel aich nisht iberlozen vi yesoimim; ich vel kumen tsu aich.

¹⁹ noch a kleine vaile un di velt zet mich mer nisht, ir ober zet mich; vail ich leb, vet ir leben oich.

²⁰ in yenem tog vet ir visen, az ich bin in main foter, un ir zent in mir, un ich bin in aich.

²¹ ver es hot maine geboten un halt zei, der iz es, vos hot mich lib; un der, vos hot mich lib, vet zain gelibt fun main foter, un ich vel im lib hoben, un vel mich antpleken tsu im.

²² zogt tsu im Yehude, nisht der Ish-K'riot: Har, vos iz geshen, az du vest dich antpleken tsu undz un nisht tsu der velt?

²³ hot Yeshua/Yehoshua geentfert un gezogt tsu im: oib emitser hot mich lib, vet er halten main vort; un main foter vet im lib hoben; un mir velen kumen tsu im un machen a voinung (far undz) bai im.

²⁴ ver es hot mich nisht lib, der halt nisht maine verter; un dos vort, vos ir hert, iz nisht main, nor fun dem foter, vos hot mich geshikt.

²⁵ dos hob ich tsu aich geredt, zaiendik bai aich.

²⁶ der Paraklit ober, der Ruach HaKoidesh, vemen der foter vet shiken in main nomen, er vet aich alts lernen, un aich dermonen alts, vos ich hob aich gezogt.

²⁷ sholem loz ich iber mit aich; main sholem gib ich aich; nisht vi di velt git, gib ich aich. zol zich eier harts nisht baumruiken, un zol es nisht veren fartsogt.

²⁸ ir hot gehert, az ich hob aich gezogt; ich gei avek, un kum (vider) tsu aich. oib ir volt mich lib gehat, volt ir zich gefreidt, az ich gei tsu dem foter, vail der foter iz greser fun mir.

²⁹ un itst hob ich es aich gezogt, eider es geshet, kedei ir zolt gloiben, ven es vet geshen.

³⁰ ich vel mer nisht reden kein sach mit aich; vorem der sar fun der velt kumt; un in mir hot er gornisht;

³¹ nor kedei di velt zol visen, az ich hob lib dem foter, un vi der foter hot mir geboten, azoi tu ich. shteit oif; lomir avekgein fundanen.