Yaakovs briv 2 - Der Ortodoksishe Yidisher Bris Chadasha

kapitel tsvei

¹ brider maine, nisht mit noisa-ponem-zain zolt ir halten di emune fun undzer Har Yeshua/Yehoshua HaMoshiach, dem Har fun herlechkeit.

² vorem ven es kumt arain in eier shul a man mit goldene ringen, faine malbushem, un es kumt oich arain an oreman in farblotikte kleider;

³ un ir kukt zich um oif dem, velcher trogt di faine malbushem, un zogt: zets dich do anider oif dem bestn ort; un dem evyen zogt ir: du shtei dorten, oder zets dich anider unten oif main fusbenkel;

⁴ tsi macht ir den nisht kein untersheid tsvishen aich alein, un vert shoftim mit beize machshoves?

⁵ hert zich tsu, gelibte brider maine, tsi hot den Hashem nisht oisderveilt di evyoinim in der velt, az zei zolen zain ashirim in emune un yoreshim fun dem Malchus, vos er hot tsugezogt di, vos hoben im lib!

⁶ ir ober hot farshemt dem oreman. di raiche lait, tsi driken zei den aich nisht unter, un zei alein, tsi shlepen zei aich den nisht tsum beis din?

⁷ tsi lesteren zei den nisht alein dem gutn nomen, vos iz gerufen gevoren iber aich?

⁸ doch oib ir zent mekaiem dos kenigleche gezets loit dem pasuk: du zolst lib hoben dain chaver vi dich alein (Vayikra 19:18), tut ir voil;

⁹ oib ober ir zent noisa ponem, tut ir a zind, un vert farmishpet fun der toire, vi posheim.

¹⁰ vorem ver es vet halten di gantse toire, vet ober shtroichlen in ein zach, hot er zich farshuldikt in alem.

¹¹ vorem der, velcher hot gezogt: la tnaf (zolst nisht noyefn) hot oich gezogt: la tirtsach (zolst nisht morden); ven ober du noyefst nisht, bagaist ober a mord, bistu gevoren a pesha in der toire. (Shemot 20:13-14)

¹² redt azoi, un tut azoi, vi (mentshn, vos) darfen gemishpet veren durch der toire fun fraiheit.

¹³ vorem dos mishpot iz umrachmonesdik oif dem, velcher hot nisht aroisgevizn kein rachmones; baremhartsikeit triumfirt iber dem mishpot.

¹⁴ vos nutst es, brider maine, ven einer zogt, er hot emune, nor kein maisim hot er nisht? tsi ken im den di (tsitiren nitsitiren) emune helfen?

¹⁵ oib a bruder oder a shvester zenen naket, un es felt zei di tog tegleche shpaiz,

¹⁶ un emitser fun aich zogt tsu zei: geit aich lesholem, varemt zich on un zetikt zich; ir git zei ober nisht dos noitvendike farn guf, vos nutst es?

¹⁷ oich azoi di emune, oib zi hot nisht kein maisim, iz zi toit far zich alein.

¹⁸ nor emitser vet zogen: du host emune, un ich hob maisim? vaiz mir dain emune on di maisim, un ich vel dir vaizen main emune durch di maisim.

¹⁹ gloibst, az es iz faran ein G‑t? du tust voil! afile di taivlonim gloiben es un tsiteren.

²⁰ du vilst ober visen, o puster mentsh, az gloiben on maisim iz toit?

²¹ tsi iz den nisht Avraham avinu gerechtfertikt gevoren durch maisim, makrev zaiendik Yitschakn zain zun oif der Akedah?

²² zest, az di emune hot mitgevirkt mit zaine maisim, un durch di maisim iz di emune gevoren shleymesdik;

²³ un es iz derfilt gevoren der pasuk, vos zogt: un Avraham hot gegloibt Hashem, un es iz im farrechnt gevoren tsu gerechtikeit (Bereshis 15:6); un er iz gerufen gevoren a fraind fun G‑t. (Yeshayah 41:8)

²⁴ ir zet, az a mentsh vert gerechtfertikt durch maisim, un nisht durch emune alein.

²⁵ un oif an enlechn oifen iz den Rachav hazoine nisht gerechtfertikt gevoren durch maisim, ven zi hot oifgenumen di mergalim un zei avekgeshikt oif an andern veg? (Yehoshua 6:25)

²⁶ vorem punkt vi a guf on a neshome iz toit, oich azoi iz di emune on maisim toit.