Roymer briv 9 - Der Ortodoksishe Yidisher Bris Chadasha

kapitel nein

¹ ich zog dem emes inem Moshiach, ich zog nisht kein sheker, main gevisen zogt mir eides durch dem Ruach HaKoidesh,

² az main troier iz grois un der yesurim in main hartsn on an oifher.

³ ich volt gevolt zain in cheirem funem Moshiach far maine brider, maine kroivim loitn fleish;

⁴ velche zenen bnei Yisroel, vemen es geheren dos adoptirung, un der koved un di bundn un matn toire un di avoide un di havtoches;

⁵ tsu zei geheren di avot, un fun zei iz loitn fleish der Moshiach, ver iz G‑t iber ale, mit loib oif eibik. Omein.

⁶ ober dos batait nisht, az Hashems vort iz tsunisht gevoren. vorem nisht ale zenen Yisroel, vos zenen fun Yisroel;

⁷ oich nisht, vail zei shtamen fun Avrahamen zenen ale kinder, nor: in Yitschakn vet dir gerufen veren zomen. (Bereshis 21:12)

⁸ dos batait, az nisht di kinder funem fleish zenen Hashems kinder, nor di kinder fun der havtachah veren farrechnt vi zomen.

⁹ vorem dos iz dos vort fun der havtachah: loit der doziker tsait vel ich kumen, un tsu Sarahn vet zain a zun. (Bereshis 18:14; Lukas 1:35)

¹⁰ un nisht nor dos, nor Rivkah ven zi iz muberes gevoren fun einem, Yitschak avinu—

¹¹ eider zei zenen noch geboiren gevoren un hoben noch nisht gehat geton epes guts oder shlechts, kedei Hashems tsil zol bashtein loit zain oisderveilen, nisht durch maisim (tovim), nor durch im, vos ruft

¹² —iz ir gezogt gevoren: der greserer vet dinen dem klenern. (Bereshis 25:23)

¹³ vi es shteit geshriben: Yaakovn hob ich lib gehat, ober Esau hob ich gehast. (Malachi 1:2-3)

¹⁴ vos zhe zolen mir zogen? az bai Hashem gibt umgerechtikeit? chas vesholem!

¹⁵ vorem tsu Moshen hot er gezogt: ich vel zain baremhartsik tsu vemen ich bin baremhartsik, un vel mich derbaremen oif vemen ich derbarem mich. (Shemot 33:19)

¹⁶ azoi arum iz es nisht ophengik fun dem, vos vil un nisht fun dem, vos loift, nor fun dem El Rachem.

¹⁷ vorem der pasuk zogt tsu Pharaoh: take deriber hob ich dich oifgeshtelt, az ich zol vaizen in dir main koiech, az main nomen zol bakant veren in der gantser erd. (Shemot 9:16)

¹⁸ azoi arum iz er baremhartsik tsu vemen er vil, vemen ober er vil, farhartevet er.

¹⁹ du vest mir deriber zogen: to farvos bashuldikt er noch? vorem ver shtelt zich antkegen zain rotsn?

²⁰ ober, mentsh, ver bistu, vos host a taine kegen Hashem? vet den a gemachte zach zogen tsu dem bal meloche: farvos hostu mich azoi gemacht? (Yeshayah 45:9)

²¹ oder, tsi hot den nisht der teper a reshus ibern leim tsu machen fun der zelbiker mase a gefes tsu koved un a gefes tsu umkoved?

²² un oib Hashem, vilendik vaizen zain tsorn un bakant machen zain kraft, hot mit fil geduld dertrogen gefesn fun tsorn, vos zenen tsugegreit gevoren tsum fardarbn;

²³ un kedei bakant tsu machen di ashires fun zain koved oif di gefesn fun baremhartsikeit, velche er hot forois tsugegreit tsu koved,

²⁴ velche er hot oich gerufen, (nemlech) undz, nisht nor fun Yidn nor afile fun nisht Yidn?

²⁵ vi er zogt oich in Hoshea: ich vel rufen dos, vos iz nisht main folk, main folk, un di nisht gelibte, gelibte.

²⁶ un es vet zain, az oif dem ort, vu es iz gezogt gevoren tsu zei: ir zent nisht main folk, az dort velen zei gerufen veren kinder funem lebedikn G‑t. (Hoshea 2:25)

²⁷ un Yeshayah ruft ois iber Yisroel: oib di tsol fun di bnei Yisroel vet zain vi dos zamd funem yam, vet doch (nor) an iberblaibung geratevet veren;

²⁸ vorem der Har vet oisfiren zain vort oif der erd, vet es endiken un bashrenken. (Yeshayah 10:22-23)

²⁹ un vi Yeshayah hot gezogt frier: oib der Har Tsevaos volt undz nisht ibergelozt zomen, volten mir gevoren vi Sodom, un glaich gevoren tsu Gomora. (Yeshayah 1:9)

³⁰ vos zhe zolen mir zogen? az di nisht Yidn, velche hoben nisht nochgefolgt tsedokes, hoben dergreicht tsedokes, ober di tsedokes fun emune;

³¹ un Yisroel, nochfolgendik a toire fun tsedokes, hot tsu der toire nisht dergreicht.

³² farvos? vail zei hoben zi gezucht nisht durch emune nor durch maisim, hoben zei geshtroichlt baim shtein fun shtroichlung;

³³ vi es shteit geshriben: ot leig ich in Tsien an even negef un a feldzn fun shtroichlung; un yeder, vos vet gloiben in im, vet nisht farshemt veren. (Yeshayah 8:14; 28:16) (loitn targum hashivim.)