Mattityahu 4 - Der Ortodoksishe Yidisher Bris Chadasha

kapitel fir

¹ demolt iz Yeshua/Yehoshua gefirt gevoren fun dem Gaist in der midbar arain, kedei der Satan zol im oispruven.

² un fastendik fertsik teg un fertsik necht, iz er dernoch hungerik gevoren.

³ un der oispruver iz tsugekumen un hot tsu im gezogt: oib du bist der zun fun der Oibershter, zog, az di dozike shteiner zolen veren broit!

⁴ er ober hot entferendik gezogt: es shteit geshriben: nisht fun broit alein zol der mentsh leben, nor fun yedn vort, vos kumt arois fun Hashems moil. (Devarim 8:3)

⁵ demolt nemt im der Satan in der heiliker shtot arain; un hot im geshtelt oifen shpits fun Beis HaMikdash,

⁶ un zogt tsu im: oib du bist der zun fun der Oibershter, varf dich arop; machmas es shteit geshriben: zaine malochim vet er bafelen vegen dir, un oif di hent velen zei dich trogen, tomer vestu dir onshtoisen dain fus in a shtein. (Tehillim 91:11)

⁷ hot Yeshua/Yehoshua tsu im gezogt: es shteit oich geshriben: du zolst nisht oispruven dem Har, dain G‑t.

⁸ nochamol nemt im der Satan mit oif a zeier hoichn barg, un vaizt im ale kenigraichn fun der velt, un zeier herlechkeit;

⁹ un zogt tsu im: ale di dozike vel ich dir geben, oib du vest aniderfalen un zich buken tsu mir.

¹⁰ demolt zogt Yeshua/Yehoshua tsu im: avek, du Satan! machmas es shteit geshriben: tsum Har, dain G‑t, zolstu zich buken un nor im alein zolstu dinen!

¹¹ demolt farlozt im der Satan; un ze, malochim zenen gekumen un hoben im badint.

¹² un ven er hot gehert, az Yochanan iz aingezetst gevoren, iz er avek kein Galil;

¹³ un hot farlozt Natseret, un iz gekumen un hot gevoint in K'far-Nachum, vos ligt baim yam, in di gebitn fun Zevulun un Naftali;

¹⁴ kedei es zol derfilt veren, vos es iz gezogt gevoren durch Yeshayah hanovi, azoi tsu zogen:

¹⁵ land fun Zevulun un land fun Naftali, baim veg funem yam, fun yener zait Yarden, Galil fun di felker,

¹⁶ dos folk, vos iz gezesen in der finster, hot gezen a grois licht, un tsu di, vos zenen gezesen in a land un in shoten fun toit, far zei hot a licht oifgeshaint. (Yeshayah 9:1-2)

¹⁷ fun demolt on hot Yeshua/Yehoshua ongehoiben oistsurufen, un tsu zogen: tut tshuve; machmas dos Malchus Hashomaiem hot zich dernentert!

¹⁸ un vi er iz arumgegangen baim yam fun Galil, hot er gezen tsvei brider, Shim'on, vos men ruft im Petros, un Andrey zain bruder, varfen a nets in yam arain; machmas zei zenen geven fisherlait.

¹⁹ un er zogt tsu zei: kumt, folgt mir noch, un ich vel aich machen far fishers fun mentshn!

²⁰ un zei hoben glaich farlozen di netsn, un hoben im nochgefolgt.

²¹ un ven er iz fun dorten vaitergegangen, hot er gezen andere tsvei brider, Yaakov ben Zavdai, un Yochanan zain bruder, in dem shifel mit zeier foter Zavdai, farrichtendik zeiere netsn; un er hot zei gerufen.

²² un zei hoben glaich farlozen dos shifel un dem foter zeiern, un hoben im nochgefolgt.

²³ un er iz arumgegangen in gants Galil, lernendik in zeiere shuln, un oisrufendik di Gute Besoire funem Malchus, un heilendik ale krankeitn un shlafkeitn tsvishen dem folk.

²⁴ un zain shem hot zich farshpreit in gants Sirya; un men hot gebrengt tsu im ale kranke, vos zenen geven geplogt mit farsheidene machles un yesurim, bazesene mit beize gaister, un choleh-nofel, un paralitiker; un er hot zei geheilt;

²⁵ un es hoben im nochgefolgt groise hamonim mentshn fun Galil un Dekapolis un Yerushalayim un Yehude un fun Ever HaYarden.