Mattityahu 28 - Der Ortodoksishe Yidisher Bris Chadasha

kapitel acht un tsvantsik

¹ un noch motse Shabbos, ven es hot ongehoiben togn dem ershtn tog fun der voch, iz gekumen Miryam fun Magdala un di andere Miryam tsu zen dos keyver.

² un ze, es iz gevoren a groise erdtsiternish; machmas a malech fun dem Har (Hashem) iz aropgekumen fun himel, un iz tsugegangen un hot avekgekaiklt dem shtein, un zich anidergezetst oif im.

³ un zain geshtalt iz geven vi der blits, un zain kleid vais vi shnei;

⁴ un fun moire far im hoben di hiter getsitert, un zenen gevoren vi meisim.

⁵ un der malech hot entferendik gezogt tsu di froien: hot nisht kein moire! machmas ich veis, az ir zucht Yeshuan/Yehoshuan vos iz oifgehongen oif a boim gevoren.

⁶ er iz do nishto; machmas er iz oifgeshtanen, loit vi er hot gezogt. kumt aher, un zet dos ort, vu der Har iz gelegen.

⁷ un geit gich, un zogt zaine talmidim, az er iz oifgeshtanen fun di toite: un ze, er geit forois far aich kein Galil; dorten vet ir im zen. ze, ich hob es aich gezogt.

⁸ un zei zenen ailendik avek fun keyver mit moire un groiser simcha, un zenen gelofen es ontsuzogen tsu zaine talmidim.

⁹ un ze, Yeshua/Yehoshua iz zei antkegengekumen, un gezogt: sholem! un zei zenen tsugegangen un hoben im ongenumen bai di fis, un zich gebukt tsu im.

¹⁰ dan zogt Yeshua/Yehoshua tsu zei: hot nisht kein moire! geit un zogt maine brider, az zei zolen gein kein Galil, un dorten velen zei mich zen.

¹¹ un beshas zei zenen gegangen, ze, einike fun der vach zenen gekumen in der shtot arain, un dertseilt di hoipt koyanim alts, vos iz geshen.

¹² un zei hoben zich farzamlt mit di zkeinem, un noch dem vi zei hoben zich gehalten an eitse, hoben zei gegeben di zelner gelt genug,

¹³ un gezogt: ir zolt zogen: zaine talmidim zenen gekumen bainacht, un hoben im avekgeganvet, ven mir zenen geshlofen.

¹⁴ un oib dos dozike vet kumen tsum gubernators oiern, velen mir im iberreden un machen, az ir zolt nisht hoben kein zorgen.

¹⁵ un zei hoben genumen dos gelt, un geton vi zei zenen gelernt gevoren. un di dozike reid hoben zich farshpreit bai Yidn biz tsum haintikn tog.

¹⁶ di elf talmidim ober zenen gegangen kein Galil tsu dem barg, vuahin Yeshua/Yehoshua hot zei bashtimt.

¹⁷ un ven zei hoben im gezen, hoben zei zich gebukt; a teil ober hoben getsveiflt.

¹⁸ un Yeshua/Yehoshua iz tsugegangen un hot mit zei geredt, azoi tsu zogen: es iz mir gegeben gevoren yede macht in himel un oif der erd.

¹⁹ geit deriber un macht ale felker far talmidim, un zei mit der mikveh gegangen unter di vaser in dem nomen fun dem foter un dem zun un dem Ruach HaKoidesh,

²⁰ un lernt zei halten alts, vos ich hob aich geboten. un ze, ich bin mit aich ale teg, biz tsum kets fun der velt. Omein.