Mattityahu 15 - Der Ortodoksishe Yidisher Bris Chadasha

kapitel fuftsen

¹ demolt kumen tsu Yeshuan/Yehoshuan Perushim un sofrim fun Yerushalayim, azoi tsu zogen:

² farvos zenen daine talmidim oyver oif der mesoire fun di zkeinem? machmas zei vashen zich nisht di hent, ven zei esen broit.

³ er ober hot entferendik tsu zei gezogt: farvos zent ir oich oyver Hashems gebot tsulib eier mesoire?

⁴ machmas Hashem hot gezogt: du zolst opgeben koved dain foter un dain muter! un: ver es flucht foter oder muter, der zol geteit veren.

⁵ un ir zogt: ver es vet zogen tsum foter oder tsu der muter: dos iz a korben, vos du volst fun mir gekent nehene zain,

⁶ der iz mer nisht mechayev optsugeben koved zain foter oder zain muter. un ir hot opgeshaft Hashems vort durch eier mesoire.

⁷ ir tsvuakes! voil hot Yeshayah oif aich nevues gezogt, azoi tsu zogen:

⁸ dos dozike folk git mir op koved mit di lipn; ober zeier harts iz vait fun mir.

⁹ umzist iz zeier yira far mir, vail zei lernen vi mitsvos mentshleche leres. (Yeshayah 29:13)

¹⁰ un er hot gerufen tsu zich dem hamon mentshn, un tsu zei gezogt: hert, un farshteit!

¹¹ nisht dos, vos geit arain in moil, macht dem mentshn tome; nor dos, vos kumt arois fun moil, dos dozike macht tome dem mentshn.

¹² demolt zenen di talmidim gekumen, un gezogt tsu im: veist, az di Perushim hoben geshtroichlt herendik dos vort?

¹³ er ober hot entferendik gezogt: yede flants, vos main himlisher foter hot nisht geflantst, vet oisgevortslt veren.

¹⁴ lozt zei gein! zei zenen blinde firer fun blinde. un ven a blinder firt a blinden, velen beide arainfalen in grub arain.

¹⁵ un Petros hot entferendik gezogt tsu im: leig undz ois dos moshal!

¹⁶ er ober hot gezogt: zent ir oich noch on farshtand?

¹⁷ tsi zet ir den nisht ein, az alts, vos geit arain in moil, nidert arop in boich, un vert aroisgevorfen in beis hakisei arain?

¹⁸ di zachn ober vos kumen arois fun moil kumen oisn hartsn arois; un zei machen dem mentshn tome.

¹⁹ machmas fun hartsn kumen arois beize machshoves, merdereien, niufim, zoines, ganovot, falsh eides zogen, lesterungen.

²⁰ di dozike zachn zenen es, vos zenen metame dem mentshn; ober tsu esen mit umgevashene hent macht dem mentshn nisht tome.

²¹ un Yeshua/Yehoshua iz aroisgegangen fun dorten, un iz avek in di gegentn fun Tsor un Tsidon.

²² un ze, a Kena'anishe froi iz aroisgekumen fun yene grenetsn, un hot geshrigen, azoi tsu zogen: Har, Ben Dovid, derbarem dich oif mir! main tochter vert biter geplogt fun a beizn gaist!

²³ er ober hot ir nisht geentfert kein vort. un zaine talmidim zenen tsugegangen un hoben im gebeten, azoi tsu zogen: shik zi avek; vail zi shrait undz noch!

²⁴ er ober hot entferendik gezogt: ich bin nisht geshikt gevoren achuts tsu di farloirene shefelech fun dem hoiz Yisroel.

²⁵ zi iz ober gekumen, un anidergefalen far im, un gezogt: Har, helf mir!

²⁶ un er hot entferendik gezogt: es iz nisht shein avektsunemen dos broit fun di kinder un es tsu varfen far di hintlech!

²⁷ un zi hot gezogt: yo, Har; machmas afile di hintlech esen fun di breklech, vos falen arop fun zeiere harns tish.

²⁸ demolt hot Yeshua/Yehoshua entferendik tsu ir gezogt: isha, dain emune iz grois; zol dir geshen azoi vi du vilst! un ir tochter iz geheilt gevoren fun yener sho on.

²⁹ un Yeshua/Yehoshua iz avek fun dorten, un iz gekumen tsum yam fun Galil; un iz aroifgegangen oifen barg, un zich dort anidergezetst.

³⁰ un es zenen gekumen tsu im groise hamonim mentshn, vos hoben gehat mit zich lome, blinde, shtume, kalikes, un a sach andere; un hoben zei anidergevorfen far zaine fis, un er hot zei geheilt;

³¹ az der hamon hot zich gevundert, zeendik, az di shtume reden, di kalikes zenen gezunt, un di lome geien arum, un di blinde zen; un zei hoben opgegeben a shvach tsu dem G‑t fun Yisroel.

³² un Yeshua/Yehoshua hot tsu zich gerufen zaine talmidim, un gezogt: ich bin inerlech gerirt iber dem hamon mentshn, vail zei zenen shoin drai teg mit mir un hoben nisht vos tsu esen; un ich vil nisht zei avekshiken fastendik, tomer velen zei oisgein oifen veg.

³³ un di talmidim zogen tsu im: funvanen zolen mir nemen in der midbar azoifil broit, azh tsu zetiken aza mase mentshn?

³⁴ un Yeshua/Yehoshua zogt tsu zei: vifel leblech broit hot ir? un zei hoben gezogt: ziben, un einike kleine fishlech.

³⁵ un er hot bafoilen dem hamon zich anidertsuzetsen oif der erd;

³⁶ un genumen di ziben leblech broit un di fish; hot gemacht a broche un zei tsubrochn, un gegeben tsu di talmidim, un di talmidim tsu di masen mentshn.

³⁷ un ale hoben gegesen, un zenen zat gevoren; un vos iz ibergebliben fun di breklech hot men oifgehoiben, ziben groise kerb.

³⁸ un di, vos hoben gegesen, zenen geven fir toizent mener, achuts froien un kinder.

³⁹ un er hot avekgeshikt di hamonim, un iz aingeshtigen in shifel, un gekumen tsu di grenetsn fun Magadan.