Markos 14 - Der Ortodoksishe Yidisher Bris Chadasha

kapitel fertsen

¹ un in tsvei teg arum iz geven Pesach un Chag HaMatsot; un di hoipt koyanim un sofrim hoben gezucht viazoi im tsu chapen mit chitrekeit,

² un im tsu teiten. vorem zei hoben gezogt: nisht Yom Tov, tomer vet veren a mehume tsvishen folk!

³ un beshas er iz geven in Beit-Anyah in dem hoiz fun Shim'on dem metsoire, zitsndik baim tish, iz gekumen a froi mit an alabaster flash ful mit echter kostbarer nard‑zalb; un zi hot tsebrochen di alabaster flash, un oisgegosen oif zain kop.

⁴ es zenen ober geven einike, vos zenen gevoren tsorendik tsvishen zich, (azoi tsu zogen:) tsu vos iz di dozike farshvendung fun dem zalbeil gemacht gevoren?

⁵ vorem men hot gekent farkoifen dem dozikn zalbeil far mer vi drai hundert dinrim, un es geben tsu di oremelait. un zei hoben zich ongebeizert oif ir.

⁶ Yeshua/Yehoshua ober hot gezogt: lozt zi tsuru! vos farshaft ir zi agmes nefesh? zi hot mir geton a gute zach.

⁷ vorem di oremelait hot ir tomed bai zich, un ven ir vilt, kent ir zei ton guts; mich ober hot ir nisht tomed.

⁸ vos zi hot gekent, dos hot zi geton; zi hot forois gezalbt main guf tsu der kvure.

⁹ un beemes zog ich aich: vu nor di Gute Besoire vet ongezogt veren in der gantser velt, vet oich dertseilt veren, vos zi hot geton, lezikor fun ir.

¹⁰ un Yehude Ish-K'riot, einer fun di tsvelf, iz avekgegangen tsu di hoipt koyanim, kedei im ibertsugeben tsu zei.

¹¹ un ven zei hoben es gehert, hoben zei zich gefreidt, un im tsugezogt tsu geben gelt. un er hot gezucht a ginstike gelegenheit, im tsu farraten.

¹² un dem ershtn tog fun Chag HaMatsot, ven men hot geshechten dos korben Pesach, zogen tsu im zaine talmidim: vu vilstu, zolen mir gein un tsugreiten, kedei du zolst esen dos korben Pesach?

¹³ un er shikt tsvei fun zaine talmidim, un zogt tsu zei: geit in der shtot arain, un es vet aich bagegenen a mentsh, trogendik a krug mit vaser; im zolt ir nochfolgen;

¹⁴ un vu nor er vet araingein, zolt ir zogen tsum bal habeis: der Rebbe zogt: vu iz main gast shtub, in velcher ich zol esen dos korben Pesach mit maine talmidim?

¹⁵ un er vet aich vaizen a groise oibere shtub, oisgeshtat mit hesbeten, fartik; un dorten zolt ir tsugreiten far undz.

¹⁶ un di talmidim zenen aroisgegangen, un zenen gekumen in der shtot arain, un hoben gefunen azoi vi er hot zei gezogt; un zei hoben tsugegreit dos korben Pesach.

¹⁷ un ven es iz gevoren ovent, kumt er mit di tsvelf.

¹⁸ un beshas zei hoben zich ongelent un gegesen, hot Yeshua/Yehoshua gezogt: beemes zog ich aich: einer fun aich vet mich farraten, der, vos est mit mir! (Tehillim 41:9)

¹⁹ hoben zei ongehoiben troierik tsu veren, un tsu zogen tsu im einer nochen andern: doch nisht ich?

²⁰ er ober hot tsu zei gezogt: einer fun di tsvelf, der, vos tunkt ein mit mir in der kaire.

²¹ der Bar Enosh geit take loit vi es shteit geshriben vegen im; vei iz ober tsu yenem mentshn, durch vemen der Bar Enosh vert farraten! es volt geven gut far yenem mentshn, oib er volt nisht geboiren gevoren!

²² un beshas zei hoben gegesen, hot er genumen broit, gemacht a broche, hot es tsebrochen, un gegeben tsu zei, un gezogt: nemt; dos dozike iz main guf.

²³ un er hot genumen a kos, hot gemacht a broche, un gegeben tsu zei; un zei hoben ale getrunken derfun.

²⁴ un er hot tsu zei gezogt: dos dozike iz main blut fun dem naiem bund, vos vert fargosen far file.

²⁵ beemes zog ich aich: ich vel nisht mer trinken fun der frucht funem vainshtok, biz tsu yenem tog, ven ich vel es trinken nai in dem kenigraich fun Hashem.

²⁶ un ven zei hoben opgezungen halel, zenen zei aroisgegangen tsum Har HaZeitim.

²⁷ un Yeshua/Yehoshua zogt tsu zei: ale vet ir geshtroichlt veren; vail es shteit geshriben: ich vel shlogen dem pastech, un di shof velen tseshpreit veren. (Zecharyah 13:7)

²⁸ nor noch main oifshtein, vel ich aich foroisgein kein Galil.

²⁹ Petros ober hot tsu im gezogt: afile oib ale velen geshtroichlt veren, vel ich doch nisht.

³⁰ un Yeshua/Yehoshua zogt tsu im: beemes zog ich dir: haint, in der doziker nacht, eider der hon vet tsveimol kreien, vestu mich draimol farleikenen!

³¹ er ober hot noch eifriker geredt: oib ich zol muzn shtarben tsuzamen mit dir, vel ich dich beshum oifen nisht farleikenen. un desglaichen hoben oich ale gezogt.

³² un zei kumen tsu a hoif, vos hot geheisen Gat-Shmanim; un er zogt tsu zaine talmidim: zetst zich do anider, biz ich vel hoben tfile geton.

³³ un er nemt Petrosn mit zich un Yaakovn un Yochanan, un hot ongehoiben tsu tsiteren un flateren.

³⁴ un er zogt tsu zei: main nefesh iz zeier batribt, biz tsum toit; blaibt do, un vacht!

³⁵ un er iz gegangen abisel vaiter, un iz anidergefalen oif der erd, un hot tfile geton, az, oib meglech, di sho zol im faribergein.

³⁶ un hot gezogt: Abba, foter, alts iz meglech far dir; nem fun mir avek dem dozikn becher! doch nisht vos ich vil, nor vos du vilst.

³⁷ un er kumt, un gefint zei shlofen, un zogt tsu Petrosn: Shim'on, du shloftst? bist nisht imshtand geven ein sho vach tsu blaiben?

³⁸ vacht un tut tfile, kedei ir zolt nisht kumen tsu kein nisoyen; der gaist iz take vilik, dos fleish iz ober shvach!

³⁹ un er iz vider avekgegangen, un tfile geton, zogendik di zelbike verter.

⁴⁰ un ven er iz tsurikgekumen, hot er zei vider gefunen shlofen, vorem zeiere oigen zenen geven shver; un zei hoben nisht gevust vos im tsu entferen.

⁴¹ un er kumt tsum dritn mol, un zogt tsu zei: shloft vaiter, un rut zich ois! es iz genug; es iz gekumen di sho; ze, der Bar Enosh vert ibergegeben tsu choytim in di hent arain.

⁴² shteit oif, lomir gein; ze, main farreter iz shoin noent!

⁴³ un glaich, beshas er hot noch geredt, kumt Yehude, einer fun di tsvelf, un mit im a hamon mit shverdn un shtangen, fun di hoipt koyanim un sofrim un zkeinem.

⁴⁴ un zain farreter hot zei gegeben a tseichen, azoi tsu zogen: vemen ich vel a kush ton, der iz es; nemt im, un firt im op zicher.

⁴⁵ un ven er iz gekumen, iz er glaich tsugegangen tsu im, un zogt: Rebbe! un hot im gekusht.

⁴⁶ un zei hoben aroifgeleigt di hent oif im, un hoben im gefangen genumen.

⁴⁷ einer ober fun di, vos zenen geshtanen derbai hot aroisgetsoigen di shverd, un geshlogen dem koyen gadols knecht, un im opgehakt an oier.

⁴⁸ un Yeshua/Yehoshua hot entferendik tsu zei gezogt: vi kegen a roiber zent ir aroisgekumen mit shverdn un shtangen mich tsu chapen.

⁴⁹ tog ois tog ein bin ich geven bai aich inem Beis HaMikdash un gelernt, un ir hot mich nisht gefangen genumen; nor (es iz) kedei di Kitvei (Hakoidesh) zolen derfilt veren.

⁵⁰ un ale hoben im farlozen, un zenen antlofen.

⁵¹ un a yingel iz im nochgegangen, aingehilt in a lailech oifen bloizn laib, un zei chapen im;

⁵² er ober hot ibergelozt dos lailech, un iz antlofen a naketer.

⁵³ un zei hoben avekgefirt Yeshuan/Yehoshuan tsum koyen gadol; un es hoben zich bai im farzamlt ale hoipt koyanim un di zkeinem un di sofrim.

⁵⁴ un Petros hot im nochgefolgt fundervaitns, biz ineveinik arain in dem hoif fun dem koyen gadol; un iz gezesen mit di meshoresim un hot zich gevaremt baim faier.

⁵⁵ un di hoipt koyanim un dos gantse Sanhedrin hoben gezucht an eides zogen kegen Yeshuan/Yehoshuan, kedei im tsu teiten; un hoben nisht gefunen.

⁵⁶ vorem a sach hoben falsh eides gezogt kegen im, un zeiere eides hoben nisht iberaingeshtimt.

⁵⁷ un einike zenen oifgeshtanen, un hoben falsh eides gezogt kegen im, azoi tsu zogen:

⁵⁸ mir hoben im gehert zogen: ich vel tseshteren dem dozikn Heichal, vos iz mit hent gemacht gevoren. un in drai teg vel ich oifboien an andern, vos iz nisht gemacht mit hent.

⁵⁹ un afile azoi hot zeier eides zogen nisht iberaingeshtimt.

⁶⁰ un der koyen gadol hot zich oifgeshtelt in der mit, un gefregt Yeshuan/Yehoshuan, azoi tsu zogen: du entferst gornisht oif dem, vos di dozike zogen eides kegen dir?

⁶¹ un er hot geshvigen, un gornisht geentfert. der koyen gadol hot im vider gefregt, un zogt tsu im; bistu der Moshiach, der zun fun hakodesh bruch hu?

⁶² un Yeshua/Yehoshua hot gezogt: ich bin; un ir vet zen dem Bar Enosh zitsen oif der rechter zait fun der gvure, un kumen mit di volkens fun himel. (Tehillim 110:1; Daniel 7:13)

⁶³ un der koyen gadol hot tserisn zaine kleider, un zogt: vos darfen mir noch hoben eides?

⁶⁴ ir hot doch gehert di lesterung. vos iz eier meinung? un ale hoben im farmishpet, az er iz chayev mise.

⁶⁵ un einike hoben ongehoiben tsu shpaien oif im, un tsu badeken im dos ponem, un tsu shlogen im mit di foistn, un tsu zogen tsu im: zog nevue! oich di meshoresim hoben im emfangen mit petsh. (Yeshayah 50:6)

⁶⁶ un beshas Petros iz geven unten in hoif, kumt eine fun dem koyen gadols dinstmoidn;

⁶⁷ un vi zi hot derzen Petrosn zich varemen, hot zi oif im a kuk geton, un zogt: oich du bist geven mit dem fun Natseret, dem Yeshua/Yehoshua!

⁶⁸ er ober hot geleiknt, azoi tsu zogen: nisht ich veis, nisht ich farshtei vos du zogstu. un er iz aroisgegangen indroisen tsum foderhoiz; un a hon hot gekreit.

⁶⁹ un di dinstmoid hot im gezen, un hot vider ongehoiben tsu zogen tsu di, vos zenen dort geshtanen: der doziker iz einer fun zei!

⁷⁰ er ober hot nochamol geleiknt. un abisel shpeter hoben di, vos zenen dort geshtanen, vider gezogt tsu Petrosn: du bist zicher einer fun zei; vorem du bist oich a Galili.

⁷¹ un er hot ongehoiben tsu fluchen, un tsu shveren: ich ken nisht dem dozikn mentshn, fun vemen ir redt!

⁷² un bald hot a hon tsum tsveitn mol gekreit. un Petros hot zich dermont dos vort, vi Yeshua/Yehoshua hot tsu im gezogt: eider a hon vet tsveimol kreien, vestu mich draimol farleikenen. un er hot es zich genumen tsum hartsn, un zich tseveint.