OMAPSALOME 8 - Ombibeli Iyapuki

Omunhu omushike?

Epsalme laDavid, la pewa omuwiimbifi, pokaxumbafeta Gittit.

¹ Omwene, Omwene wetu, edina loye la tumbalekwa shi fike nee peni kombada yedu alishe, Ove ou oshingepangelo shoye we shi tula kombada yomaulu.

² Momakanya ounona noouhanana owa dika mo eenghonopangelo molwovatondi voye opo u hanaune po omuyelani nomunanghono.

³ Ngeenge handi tale keulu, koshilongwa shominwe doye, kohani nokeenyofi, edi wa shita,

⁴ omunhu omushike, eshi ho mu dimbulukwa, nomona womunhu, eshi ho mu file oshisho?

⁵ Eshi we mu shita, oshitwe yaye kashekamukona e fike pwoove, Kalunga, nowe mu dika oshinge nefimano.

⁶ Owe mu pa epangelo kombada yoilongwa yomake oye; ashishe owe shi tula koshi yeemhadi daye:

⁷ ngaashi eedi, neengobe adishe, pamwe noifitukuti yomofuka,

⁸ needila dokoshi yeulu, neeshi domomeva, naashishe eshi tashi ende, neendjila domefuta.

⁹ Omwene, omupangeli wetu, edina loye la tumbalekwa shi fike peni kombada yedu alishe!