OMAPSALOME 70 - Ombibeli Iyapuki

Onghuwo yomutewatewi

Epsalome laDavid, la pewa enyakwa lolwiimbo, kedimbulukifoyambo.

¹ Akutu Kalunga, endelela u xupife nge, Omwene, uluma, u kwafe nge!

² Ovanangeli vomwenyo wange nava fifwe ohoni, yo i va pembife oipala! Nava fifwe ohoni ava tava halele nge omupya, nava shunifwe monima nokufifwa ohoni.

³ Nava twalwe onhapo kokutondwa kwavo, ava tava tanhe tava ti: “Shalongo, shalongo shange!”

⁴ Ndelenee ava aveshe, tave ku kongo, va nyakukwe nokuhafa mwoove. Naava hava djuulukwa exupifo loye, alushe nava hepaulule va tye: “Kalunga Oye omunene!”

⁵ Ndelenee aame omukwanaluhepo nepongo. Akutu Kalunga, tondokele nge! Oove omukwafi nomuxupifi wange. Omwene, ino kala ko!