OMAPSALOME 4 - Ombibeli Iyapuki

Eimbilo longuloshi lomufininikwa

Epsalme laDavid; la pewa enyakwa lolwiimbo oku li shika mokahungafeta.

¹ Ngeenge handi lalekida, ude nge, alikana, Kalunga kouyuki wange! Mofina yange owa ningila nge mo omhito ya mbwalangadja; file nge onghenda, Ove, uda eindilo lange.

² Ovalumenhu nye, fiyo onaini tamu ka shekifa efimano lange? Fiyo onaini mu hole oinima yongaho nokukonga oipupulu? Sela

³ Shi shiiveni nokutya, Omwene okwe lihoololela omuyuki, Omwene ota udu nge, ngeenge handi mu ifana.

⁴ Handukeni, ndelenee inamu nyona; popyeni momitima deni momitala deni nokulimwenenena. Sela

⁵ Yandjeni omayambo ouyuki, ndelenee lineekeleni Omwene!

⁶ Vahapu otava ti: “Olyelye te tu monifa ouwa? Omwene, tu yelulila ouyelele woshipala shoye!”

⁷ Ove wa pa nge ehafo momutima wange, eli li dule lavo, eshi ve noshishipo shoilya nomaviinyu.

⁸ Onda hala okunangala nombili nohandi kofa nawa, osheshi Oove, Omwene, to tula nge nawa, ndihe nombudi.