OMAPSALOME 20 - Ombibeli Iyapuki

Ohamba tai halelwa ekwafo lOmwene

Epsalme laDavid, la pewa enyakwa lolwiimbo.

¹ Omwene ne ku ude mefiku loudjuu, edina laKalunga kaJakob nali ku amene!

² Oye ne ku tumine ekwafo li dje mouyapuki waye, nepameko loye nali ku dilile muSion.

³ Na dimbulukwe eendjayambo doye adishe, na tale nohokwe omaxwikiloyambo oye. Sela

⁴ Oye ne ku pe eshi omutima woye wa hala, nomauko aeshe ne a wanife.

⁵ Opo nee twa hala okukalukila efindano, nomedina laKalunga ketu omo hatu dungadungifa omapandela etu; Omwene na shakenife omaindilo oye aeshe.

⁶ Paamha ondi shi shii, Omwene ota xupifa omuvaekwa waye, ndele te mu udu meulu laye liyapuki omafindano manene eke laye lokolulyo.

⁷ Oku na ovo have lineekele omatemba oita navamwe eenghambe; ndelenee fye hatu hepaulula edina lOmwene Kalunga ketu.

⁸ Vo kave na apa tava kwatelele, ndele tava natwa po, ndelenee fye otu li ofika, itatu tengauka vali.

⁹ Omwene, yandja efindano kohamba! Tu uda, ngeenge hatu ifana.