OMAPSALOME 146 - Ombibeli Iyapuki

Elao lomulineekeli wOmwene

¹ Halleluya! Omwenyo wange, tanga Omwene!

² Onda hala okutanga Omwene omafiku ange aeshe, nokwiimbila Kalunga kange, fimbo ndi li po.

³ Oidale hai mu lineekele, havanhu, ava vehe nekwafo nande.

⁴ Omuku ngeenge wa pwa mo muvo, otava shunwa medu nefiku tuu olo, omadiladilo avo kae po vali.

⁵ Omunelao ou, ekwafo laye ngeenge olo Kalunga kaJakob, nelineekelo laye ngeenge te li tula mOmwene, Kalunga kaye,

⁶ ou omushiti weulu nedu, nomeva efuta naashishe eshi shi li mo, ou omudiinini fiyo alushe,

⁷ omupopili wovafininikwa, nomupaluli wovanandjala. Omwene Oye omumangululi wovamangwa.

⁸ Omwene omutwikululi wovapofi. Omwene omunyongamununi wovanyongamekwa koufiye. Omwene omuhokwi wovayuki.

⁹ Omwene omwaameni wovanailongo. Oye omuyakeli weefiye nowovafiyekadi; ndelenee Ye omutwali moxwati wondjila yeembudi.

¹⁰ Omwene Oye ohamba fiyo alushe, Sion oove, Oye Kalunga koye fiyo alushe. Halleluya!