OMAPSALOME 143 - Ombibeli Iyapuki

Epsalome lomulidilululi

Epsalome laDavid.

¹ Omwene, uda eindilo lange, Ove pwilikina eehelo lange. Molwoudiinini woye itavela nge, omolwouyuki woye.

² Ove ino tokola omupiya woye, osheshi kape na omunamwenyo omuyuki koshipala shoye.

³ Akutu, omutondi ta taataa omwenyo wange, ote u lyataulile poshi, ota telatele nge momulaulu, ndi fe ava va fya nale.

⁴ Omhepo yange paife oya mbadapala, omutima wange owa kanghelwa meni lange.

⁵ Ohandi dimbulukwa omafimbo onalenale, oilonga yoye aishe ohandi i shipulula, ame ndi shipaashipe okulonga kwoye akushe.

⁶ Omake ange ohandi a yelula kwoove; omwenyo wange otau ku notelwa, wa fa edu li nonghange. Sela

⁷ Omwene, endelela, ude nge! Omhepo yange oya notelwa, ino holeka nge oshipala shoye, ndiha fe ava, va ya nale mombila.

⁸ Ngeenge taku shi, uditile nge ouwanghenda woye, osheshi Oove nde lineekela. Udikile nge ondjila, ame ndi ende nayo, osheshi kwoove, oko handi yelula omwenyo wange.

⁹ Omwene, xupife nge movatondi vange! Kwoove ohandi ka ningina ko.

¹⁰ Longe nge, ndi ninge eshi we shi hokwa, osheshi Oove Kalunga kange. Omhepo yoye iwa nai endife nge mondjila ya fefengwa.

¹¹ Omwene, molwedina loye kwafa, ndi kale nomwenyo. Molwouyuki woye kufe nge moudjuu.

¹² Nomolwouwanghenda woye hanauna po ovatondi vange, Ove nyonauna po aveshe, ava tava fininike nge, osheshi aame omupiya woye.