OMAPSALOME 128 - Ombibeli Iyapuki

Eumbo lomutilikalunga li nelao

Eimbilo lomolweendo lokuya kouyapuki.

¹ Keshe tuu ou ha tila Kalunga nota ende meendjila daye, oye omunelao.

² Eshi we lilongela nomake oye, osho oshikongwa shoye shili, ou nelao, to kala nawa.

³ Omwalikadi woye oku li ngaashi oshixwa shomuviinyu, ou hau ima nawa meni leumbo loye; ounona voye ova fa oitutumine yolumono, hava dingilile oshililo shoye.

⁴ Heeno, osho ngaha omulumenhu omutilikalunga ta nangekwa noupuna.

⁵ Omwene womuSion ne ku punike, u kale nokutala elao laJerusalem noku li nyakukilwa omafiku oye aeshe,

⁶ ndele to mono ounona vovana voye. Ombili nai kale naIsrael!