OMAPSALOME 12 - Ombibeli Iyapuki

Eindilo molwehapupalo lowii

Epsalme laDavid, la pewa enyakwa lolwiimbo, mondaka yombaafa.

¹ Omwene, kwafa, osheshi ovayuki va xula po, novadiinini va pwa mo movana vovanhu.

² Otava popyafana oipupulu namukwao, nomokupopya omilungu davo odi nomufenhu, nomitima davo di li pavali.

³ Omwene, ngeno na tete po omilungu adishe di nomufenhu nakeshe tuu elaka tali litangele ounangane,

⁴ ava hava ti: “Elaka letu olo eenghono detu; omilungu detu tadi tu popile. Olyelye omwene wetu?”

⁵ Omwene Ye ta ti: “Molwokufininikwa kwomapongo, nomolwokunyemata kweehepele nda hala okufikama paife, exupifo ohandi li etele ou te li djuulukwa nokuhefahekumuna.”

⁶ Eendjovo dOmwene odo eendjovo da yela, da fa oshisiliveli tashi kungulukile poshi shi yela tashi vilima, sha yelifwa luheyali.

⁷ Omwene, Oove to ke va diinina, oto ke va amena kepupi eli fiyo alushe,

⁸ nande ovalunde nava shishimane shi fike peni, molwaashi oulunde tau hovele okutana mokati kovanhu.