OMAPSALOME 1 - Ombibeli Iyapuki

EMBO LOTETE (Omapsalome 1—41 ) Eendjila mbali

¹ Omulumenhu omunelao ou, iha ende pamhangela yovahenakalunga, ndele iha lyata mondjila yovalunde, ndele iha kala omutumba mongudu yovasheki;

² ndelenee ha hokwa omhango yOmwene noku i diladila omutenya noufiku.

³ Ndele ye ota ka kala ngaashi omuti, ou wa twikwa pomatondokelo omeva ndele tau imifa oiimati yao pefimbo lao, nomafo ao ihaa lembe. Naashishe eshi ta ningi, osha fewa.

⁴ Ava vehe na Kalunga hasho ve li ngaho, ndelenee vo va fa oshipepwalungu, tashi i omhepo.

⁵ Onghee ovahenakalunga metokolo itava ka kanghama mo, novalunde itava kala mo meongalo lovayuki.

⁶ Osheshi ondjila yovayuki Omwene oku i shii; ndelenee ondjila yovahenakalunga otai hanauka.