HOSEA 6 - Ombibeli Iyapuki

Ekumaido lokulidilululifa

¹ Otava ti: “Efraim, ohandi ku ningi ngahelipi, akutu Juda, ohandi ku ningi shike, eshi ohole yeni i li ngaashi oshilemo shongula, nongaashi omume tai yaumuka diva?

² Nge pa pita omafiku avali, Oye te ku nyumuna, mefiku etitatu Oye te tu pendula, opo fye tu kale nomwenyo koshipala shaye.

³ Ndele natu shiiveni hano, heeno, natu lalakaneni okushiiva Omwene. Ye ote uya shili, ngaashi etendo leluwa, ndele ote ke uya kufye ngaashi odula, ngaashi odula yokulombo, ei tai tutike edu.”

⁴ Akutu Efraim, ohandi ku ningi ngahelipi, akutu Juda, ohandi ku ningi shike, eshi ohole yeni i li ngaashi oshilemo shongula, nongaashi omume tai yaumuka diva?

⁵ Onghee nee nde va dengifa kovaxunganeki, nde va dipaifa neendjovo domokanya kange. Etokolo lange li li poluhaela ngaashi ouyelele wongula.

⁶ Osheshi efilonghenda nda hala, hayambo. Okushiiva Kalunga nda hala, osheshi ku dule omaxwikiloyambo.

⁷ Ndelenee ova nyona ehangano ngaashi Adam; opo tuu va efa nge.

⁸ Gilead oshilando shovakolokoshi, shi yadi eenghatu dohonde.

⁹ Nongudu yovapristeli oi li ngaashi oimhulu ya holamena. Ohava dipaele mondjila yaSekem, heeno, ova longa oilonga yoixuna.

¹⁰ Mepata laIsrael nda mona mo oilonga yoixuna: omu noluhaelo laEfraim. Israel okwe linyateka.

¹¹ Naave yo Juda, wa nuninwa eteyo, Ame ngeenge handi lundulula okukala kwoshiwana shange.