ሳጻ 6 - ኦራ ጫ̈ቃ ማጻ̈ፋ

ታብዛ ማይታማን ፊርቂንቲ̇ዴ

¹ ዪኒፖ̇ ዓኒ ዶራ̈ዲ ታብዛ ማይታማን ጋርታፖ̇ ፔታ̇ኒን ፊርቃምባ̇ር ቤቃ̇ዴ። ኦይዲ ኮቺንታ̇ን ጋርታፖ̇ ፔታ̇ናዲ ዳዳ ጊርስፌ̈ን ጉ̈ሚዝ ጊርስባራ “ዓይ ዬ̈ቤ!” ጋ̈ዚን ሲስካ̇ዴ።

² ኢናፖ ቴ ቲ̈ኒን ጋልዳ ቦ̈ርስ ፋራ ኤቂ̇ንዶን ቤቃ̇ዴ፤ ፋራ̈ ጋልዳ ቶጊ̇ኖ̈ዲ ዶጚ ኤ̈ኔ፤ ኢ̈ቦ ኣኪሊ̈ላ ኢሚንቲ̇ዴ፤ ኢያሬ ጋሚዛ ማ̈ቃ̇ሪ ጋሚሙታ ሉካ̇ንዳብ ኬስኪ̇ዴ።

³ ዶራዲ ናምኢ ማይታሚን ፊርቃ̇ምባራ ሼምፓባሮ ኮቺንታ̇ ናምኢዲ “ዓይ ዬ̈ቤ!” ጋ̈ዚን ሲስካ̇ዴ።

⁴ ማ ሜላ ዞቃ ቲሽ̇ ጌይኖ ፋራ ኬስኪ̇ዴ፤ ፋራ ጋልዳ ቶጊ̇ኖዲ ሳሪቲ ሳ̈ዝ ጋልዳፖ ይሳንፔ̈ንኬ ኣሲ ዎልዎልኣ ዎ ዉርሳምፔ̈ን ዎታምፔ̈ኖ ሲልጣ̈ና ኢ̈ብ ኢሚ̇ንቲ̇ዴ፤ ማ ጴች ማሺ̇ ኢ̈ብ ኢሚ̇ንቲ̇ዴ።

⁵ ዶራ̈ዲ ዓይዚ ማይታሚን ፊርቃምባ̇ራ ዓይዚ ኮቺንታ̇̈ዲ “ዓይ ዬ̈ቤ!” ጋ̈ዚን ቴ ሲስካ̇ዴ፤ ዓት ቴ ቤቃ̇ምባራ ካር ፋራ ኤቂ̇ኔ፤ ፋራ̈ ጋልዳ ቶጊ̇ኖ̈ዲ ፌ ኩሽታ ሚዛ̈ና ኤ̈ኔ።

⁶ ኢናፖ ኦይዲ ሼምፓባሮ ኮቺንታ̇ን ጋርታፖ ኬስኪ̇ኖ ማይጺዝ ጊርስ ሲስካ̇ዴ፤ ዪና̇ ጊርሲንዳ “ናምኢ ቡርጩካ̇ ዜርቃ ል ፔቲ̇ ጋላሶ ኦ̈ሳቦ ዳሞ̈ዛ ማ̈ቆ፤ ኢሺ̇̈ን ቡርጩካ ጎስ̇ ል ፔቲ̇ ጋላሶ ኦ̈ሳቦ ዳሞዛ ማ̈ቆ፤ ዎቲናካር ኢዝ ኣ̈ፊን ጋርታ̇ፖ ዛይታ ኬስካ̇ዝ ሚንዲኬ ዎይና ሚን ይሳፔ̇!” ጋ̈ዚን ቴ ሲስካ̇ዴ።

⁷ ዶራ̈ዲ ኦይዲ ማይታሚን ፊርቃምባ̇ራ ኦይዲ ኮቺንታ̇ ጊርሲን “ዓይ ዬ̈ቤ!” ጋ̈ዚን ቴ ሲስካ̇ዴ፤

⁸ ቴ ቤቃ̇ምባራ ቴ ቲ̈ኒን ጋርታ ጫ̈ም ፋራ ቤቃ̇ዴ፤ ዪ ፋራ ጋልዳ ቶጊ̇ኖ ኢ ሱምዲ ዓይቃ ጌይንቲ̇̈ሬ፤ ሲኦ̈ላ ጌይንቲ̇ኖ̈ዲ ኢ ዎሂን ዎሂን ዬሬ፤ ዓይቃኬ ሲኦ̈ላኬ ዎልኣ ማ̈ቃ̇ሪ ሳ̈ዝ ጋልዳ ዎ ባዝ ዎይቦ ኦይዲ ኩሽ ጋርታ̇ፖ ፔቲ̇ ኩሺንዶ ኦልባራ፤ ጋፍባራ፤ ዓርጋባርኬ ማ̈ታባዝባር ዎሲ ዉርሳምፔ̈ን ሲልጣ̈ና ኢንታ̇ብ ኢሚ̇ንቲ̇ዴ።

⁹ ኢሺቻ ማይታሚን ፊርቃምባ̇ራ ጾ̈ሳ̇̈ ቃ̈ሊን ሳባኪ̇ኖኮታ̇ብኬ ዬሱ̈ሳባዝ ማርኪቲኖኮታ̇ቦ ኣሲ ኢንታ̇ ዎኖ ኣሳን ሼምፒ̇ንዳ ካ̈ሻ ቤሲ̇ን ጻና ቤቃ̇ዴ፤

¹⁰ ኢንታሬ ፌ ቆ̈ን ሾክ̇ ዎታሪ “ጌ̈ሻ̇̈ዲኬ ኪንዲ፥ ዎይፖ ሾክ̇ ጌይኖ ጾ̈ሳ̇̈̇ዶ! ኔ ሳ̈ዝ ጋልዳ ዎ ኣሳን ጋልዳ ኤሊ̇ር ፊርዳራ ኑ ሱን ኣባብ ማሃባሳ?” ጋ̈ሪ ዉይሲዴ።

¹¹ ኢንታብ ዎይንቦ ቦ̈ርስ ኣፊላ ኢሚ̇ንቲ̇ዴ፤ ጊዳክ ኢንታፌ̈ን ቢርት ዓይቂ̇ዛን፥ ኢንታፌን ጾ̈ሳ̇ብ ኦ̈ዝ ኢንታ̇ ላጋ̇ንኬ ኢንታ̇ ኢሺንታ̇ን ፋይዲን ኩሚዝ ዲራስ ኢንቲ̇ ጊላ̇ ሼምፓር ዶኣምፔ̈ኒ ኢንታብ ሶ̈ሊዴ።

¹² ኢናፖ̇ ዶራ̈ዲ ሌሂ ማይታሚን ፊርቃምባ̇ራ ቤቃ̇ዴ፤ ሳ̈ዚ ጴች ኤንኢዴ፤ ኣዋ ኣ̈ፊንዳ ኣዛና ኣፊላፌ̈ን ካርታ̇ዴ፤ ኣጋኒንዳር ሱ̈ፌ̈ን ዞቃ̇ዴ፤

¹³ ጴች ኣይጊ ዬ̈ሪ ሚ ኣ̈ፍ ጋ̈ራዚንዲፌ̈ኒ ኣፎ ቤርሳንር ጋ̈ሪንቲ̇ዴ።

¹⁴ ኣፎ ሳ̈ዚንዳር ሳላላፌ̈ን ቁርቂንታ̇ር ፋካ̇ዴ፤ ኢንዳንኬ ዴሴታንር ዎይ ፌ ቤሲን ጋልዳፖ ፋኪ̇ዴ።

¹⁵ ሳ̈ዝ ጋልዶ ካ̈ቲንታን፣ ጋድ ኣቂሲዛን፣ ዎታ̇ዳራ ኣላቃን፣ ዱራን፣ ዎልቃ̈ማን፣ ኣይላንኬ ኣይላ ጊዳካ̇ዮን ዎይ ጋዊ ጋርታኬ ኢንዳ ጋልዶ ሹች ጋርታ ባዪዴ።

¹⁶ ኢንቲ̇ ኢንዳንኬኬ ሹቻንኮ “ዋ̈ዲቴ! ዪንቲ̇ ኑ̈ና ካጚብቴ! ዙፋ̈ኒን ጋልዳ ዶኢኖ ቲ̈ኒን ጋልዳፔኬ፤ ዶራ ጎይሊን ጋልዳፖ ኑ̈ና ኣ̈ቺ̇ብቴ!

¹⁷ ጴች ጎይል ቃሚ̇ን ዬይኔ ኢዞ ዳንዳኢዛ ኦ̈ኖ?” ጌይዴ።