ሳጻ 16 - ኦራ ጫ̈ቃ ማጻ̈ፋጾ̈ሳ̇̈ ጎይላ ኤ̈ኖ ዋ̈ንጫን 1 ዪኒ̇ፖ ዎሃ ታብዛ ኪ̈ታንቻንኮ “ሉኪ̇ብቴ! ጾ̈ሳ̇̈ ጎይላ ኤ̈ኖን ታብዛ ዋ̈ንጫን ሳ̈ዝ ጋልዳ ዉሊብቴ!” ጌይዝ ጴች ጊርሲ ጾ̈ሳ̇̈̇ ኬ̈ ጋርታፖ ኬስካ̇ምባር ቴ ሲስካ̇ዴ። 2 ቲ̈ን ፔቲ̇ ኪ̈ታንቻዲ̇̈ ሉካ̇ሪ ዋ̈ንጪን ጋርቶ̇ን ሳ̈ዝ ጋልዳ ዉሊዴ፤ ማ̈ታ ባዛ̈ ማሊ̇ን ኢንታ̇ ጋልዳ ዎንኬ ኢ ሚሲሊምቦ ሞ̈ኪንቲ̇ዝ ኣሳን ጋልዳ ኢንታ ጴች ቢጻ ቤይሲ ዋ̈ዪዝ ኪሲ ኬስኪ̇ዴ። 3 ናምኢ ኪ̈ታንቻ̇̈ዲ ፌ ኤ̈ኖ ዋ̈ንጪን ጋርቶ̇ንዶ ባሃ̈ራ ጋልዳ ዉሊዴ፤ ባሃ̈ሪንዳ̇ሬ ዓይቂ̇ኖ ኣሳ ሱ̈ፌ̈ን ማ̈ቃ̇ዴ፤ ባሃሪን ጋርታ ዶኢዛን ሼምፓባሮ ባዛን ዎይ ዓይቂ̇ዴ። 4 ዓይዚ ኪ̈ታንቻ̇̈ዲ ፌ ኤ̈ኖ ዋ̈ንጪን ጋርቶ̇ንዶ ዋ̈ን ጋልዳኬ ዶቃ ዋ̈ን ጋልዳ ዉሊዴ፤ ዋ̈ንሬ ሱ̈ ማ̈ቂ̇ዴ፤ 5 ዋ̈ ጋልዳ ኢ̈ብ ሲልጣ̇̈ና ዎ ኪ̈ታንቻዲ፤ “ሚናፓር ዎዲ ዓታ̇ር ዎ ጌ̈ሻ̈̇ ጎዳ̈ዶ! ኔ̈ኒ ዓ̈ፌን ፊርዲ̇ኖኮታ̇ቦ ኔ ፊርዲን ኪን፤ 6 ኢንቲ̇ ጌ̈ሻ̈̇ ኣሳንኬ ናባን ሱ̈ን ዉሊኖኮታቦ ኔ ኢንታ̇ ሱ̈ ኡሻ̇ዴ፤ ዪና ኢንታ̇ብ ኮሻ̇̈ሬ” ጌይዴ። 7 ካ̈ሻ̇ ቤሲ̇ን ጋልዳ፤ “ኣዓ! ዎይን ዳንዳኢኖ ጎዳ ጾ̈ሳ̇̈ዶ! ኔ ጺላ̇ኬ ኪን ፊርዳ̈ሬ” ዪዝ ጌይዝ ቆ̈ ቴ ሲስካ̇ዴ። 8 ኦይዲ ኪ̈ታንቻ̇̈ዲ ፌ ኤ̈ኖ ዋ̈ንጪ̇ን ጋርቶ̇ንዶ ኣዋ̈ፊን ጋልዳ ዉሊዴ፤ ኣዋ̈ፊንዳ ሶ̈ላራ ታማፌ̈ን ኣስ ሚቺ̇ዝ ዎልቃ ኢዝቦ ኢሚ̇ንቲ̇ዴ፤ 9 ኣሳን ጴች ኣዋ ሶ̈ልባር ሚጪ̇ዴ፤ ዪን ዬይኖ ሜታን ጋልዳ ሲልጣ̈ና ኢ̈ብ ዎ ጾ̈ሳ̇̈̇ ሱምን ቆ̈ዴ፤ ፌ ናጋሪንኮታ̇ቦ ማ̈ሪቲ ጌላካዬ፤ ጾ̈ሳ̇̇̈ዳር ቦንቻ̇ካዬ። 10 ኢሺቻ ኪ̈ታንቻዲ ፌ ኤ̈ኖ ዋ̈ንጪን ጋርቶ̇ንዶ ማ̈ታ ባዛ ዙፋ̈ኒን ጋልዳ ዉሊዴ፤ ማ̈ታ ባዛ ካ̈ቲቲንዳ ም̇ ማ̈ቃ̇ዴ፤ ኣሳን ቢጻ ኢንታ ጋልዳ ዎይሊኖኮታ̇ቦ ፌ ኢርጺንን ሙንት ኤ̈ዴ፤ 11 ኢንታ ጋልዳ ዬሊ̇ኖ ዓርጊንዲኬ ፌ ኪሲንጊሽ ኣፎ ጾ̈ሳ̇̈ ባ̈ዲ̇ዴ፤ ዎቲናካር ፌ ኢታ ኦ̈ሲንኮታ ማ̈ሪቲ ጌላካ̇ዬ። 12 ሌሂ ኪ̈ታንቻ̇̈ዲ ፌ ኤ̈ኖ ዋ̈ንጪን ጋርቶ̇ንዶ ጴች ዋ̈ን ኤፊራ̈ጢ̈ሲ ጋልዳ ዉሊዴ፤ ኣዋፍ ኬሲ ጎይፖ ዬይዝ ካ̈ቲንታ̇ንቦ ጎይ ፊርቂንታ̇ንፔ̈ኒ ዋ̈ን ሜላዴ። 13 ዳዋ ኖ̈ኒን ጋርታፕኬ ማ̈ታ ባዛ ኖ̈ኒን ጋርታፖ̇ ማ ዎርዳ ናባ ኖ̈ኒን ጋርታፖ ሾ̈ ማይጺዛ ዓይዚ ኢ̈ታ ኣያ̇ና ኬስካ̇ምባራ ቴ ቤቃ̇ዴ። 14 ኢንቲ ጋራሚዝ ባዝ ኦ̈ዝ ኢ̈ታ ኣያ̇ናን፤ ዪን ኢ̈ታ ኣያ̇ናን ዎይን ዳንዳኢኖ ጾ̈ሳ̇̈ ጴቻ̇ ቃሚ̇ን ጋላስ ኦሊንታ̇ዝ ኦሊምቦ ኣሳን ሺ̈ሻ̇ንዳቦ ኣላማ ጋልዶ ካ̈ቲንታን ዎይንኮ ሉኪ̇̈ሬ። 15 ዪዚ “ቤቂብቴ! ቴ ዪንታ̇ክ ሶላፌ̈ን ዪንቲ ቆፓካ̇ይዶን ዬ̈ሬ! ኢ ካሊ̇ን ኣሳን ቤቄ̇ጌይን ኢ ዬ̈ልቃካ̇ዮ̈ዲፌ̈ኒ ባርካ̇ር ፌ ኣፊሊን ና̈ጊዝ ኣሲ ኢ ኣንጂንቲ̇ኖ ኣሴ” ጌይዴ። 16 ኢ̈ታ ኣያ̇ናን ካ̈ቲንታ̇ን ኢብራዪስጣ ኖ̈ናባራ ኣርማጌ̈ዶና ጌይዝ ቤሳ̇ ጋልዳ ኢንታ̇ ሺ̈ሺ̇ዴ። 17 ታብዚ ኪ̈ታንቻ̇̈ዲ ፌ ኤ̈ኖ ዋ̈ንጪን ጋርቶ̇ንዶ ኣይጊ ጋልዳ ዉሊዴ፤ ኢናፖ ጾ̈ ኬ ጋርታ ዎ ዙፋ̈ና ጋልዳፖ “ዎይ ባዚ ፎቲንቲ̇ዴ” ዪዝ ጌይዝ ጴች ቆ̈ ሲስኪንቲ̇ዴ። 18 ኢናፖ ዳዳ ጊርቂ̇ዴ፤ ዜ̈ሊን ዜ̈ሊጚዴ፥ ሳ̈ዚ ጴች ኤንኢዴ፤ ዪፌ̈ኖ ጴች ሳ̈ዝ ኤንኢ ኣሲ ሳ̈ዝ ጋልዳ ኮቺንቲኖፖ ኤ̈ር ዓኖ̇ ዬላ̇ር ኤንኢ ቤቃካዬ። 19 ሳ̈ዚ ኤንኢኖ ጎይባራ ጴች ካታሚንዳ ዳርኣር ዓይዚ ቤስ̇ ፋጊንታ̇ዴ፤ ኣላሚን ጋልዳ ዎ ካታማን ዎይሊንን ዪና̇ ኢዝባራ ላ̈ሊንቲ ዪዴ፤ ጾ̈ሳ̇̈ዲ ጴቺ̇ን ባ̈ቢሎኖ ቆፒ̇ዴ፤ ሚን ጎይል ዎይና ጃ ኩሚኖ ጺዊን ጋርታፖ̇ ኡሽካምፔ̈ን ኢዞ ዎቲዴ። 20 ባሃ̈ራ ጊዳ̇ ዎ ዴሴታን ዎይ ጌዳ ዎጺ̇ ዪዴ፤ ኢንዳንር ቤንታካ̇ይ ኣቲ̇ዴ። 21 ዎጽ ሹችፌ̈ን ማ̈ቂ̇ዝ ጴች ጴች ሻቺ̇ ኣፋፖ ኣሳ ጋልዳ ሻጪ̇ዴ። ዪ ሜታ̈ዲ ዎይሊን ቢጻ ቤይሲዛ ማ̈ቂ̇ኖኮታ̇ቦ ኣሳን ጾ̈ሳ̇̈̇ ባ̈ዲ̇ዴ። |