ሉቃ̈ሳ 9 - ኦራ ጫ̈ቃ ማጻ̈ፋዬሱ̈ሲ ፌ ሃዋ̈ራታን ታጶ̇ ናምኣን ኪ̈ቲ̇ ሚሺዴ ማ̈ቶ̈ሳ 10፡5-15 ፤ ማ̈ርቆ̈ሳ 6፡7-13 1 ዬሱ̈ሲ ፌ ሃዋ̈ራታን ታጶ̇ ናምኣን ዎል ፔታ̇ን ጼይጋሪ ኢንቲ̇ ኢ̈ታ ኣያ̇ና ዎይ ኬሳ̇ምፔ̈ኒ ማኖ ኣሳን ፋምፔ̈ኒ ኢንታ̇ብ ዎልቃኬ ሲልጣ̈ናኬ ኢሚ̇ዴ። 2 ማ ኢናፖ ጾ̈ሳ̇̇ ካ̈ቲቲን ዬ̈ዝ ጎይን ኣስ ዎይ̈ቦ ሶ̈ላምፔ̈ንኬ ማኖን ፋምፔ̈ን ኢንታ̇ ሚሺዴ። 3 ኢንታ̇ ሚሺ̈ርዶሪ “ዪንቲ̇ ጎይብ ማ̈ቂ̇ዝ ጉፋ፣ ቃርጺሪ̈ታ፣ ሺንቃ፣ ሚ̈ሺ̇፣ ማ ዪንታ̇ ጋልዳ ማኢኖምፖ ሜላ ኣፊላ ኤ̈ፒ̇ቴ። 4 ዪንቲ̇ ሉካ̇ር ኦ ኣ̈ልካር ማ̈ቂ̇ን ኣሲ ዪንታ̇ ፌ ኣ̈ል ጌልሴጌይንዶ̇ ካታሚን ኢዞ ኣሻ̇ር ኬስኪ̇ዝ ዲራ̈ስ ኣ̈ል ኢዝ ጋርታ̇ ጋምኢብቴ̇። 5 ዪና̇ ኢዝ ካታሚን ጋርታ̇ ዎ ኣሳን ዪንታ̇ኮን ኤካ̇ብዳ ጌዬጌይንዶ̇ ካታሚን ኢዞ ኣሻ̇ር ኬስኪ̈ርዶ̈ር ኢንታ̇ ጋልዳ ማርኪታምፔ̈ን ዪንታ̇ ቶሂን ጋልዶ ቡልኢን ኢና ፊታ̇ር ኬስኪ̇ብቴ” ጌይዴ። 6 ኢንታ̇ሬ ኢናፖ̇ ኬስካ̇ሪ ዎጛላ ሳባ̇ኪሙታ̇ኬ ማኖን ፋሙታ̇ ሳፋራ ጋርሳ̇ባር ዎይ ቢሪንቲ̇ዴ። 7 ጋሊላ ጋዲን ኣቂሲዛ ሄሮዶ̈ሲ ኢንቲ̇ ዪኖ̇ ኦ̈ኖ ባዚን ዎይ ሲስካ̇ሪ ዎቲዝ ባዚ ኢያ ዪዴ። ኣባ ጌይን ፔቲ̇ ፔቲ̇ ኣሳን “ጻማ̇ቂዛ ዋ̈ኒ̇ሲ ዓይቃ ጋርታ̇ፖ̇ ዲንዲኔ” ጌይን፣ 8 ማ ሜላን “ናባ ኤ̈ላ̈ሲ ማ̈ቃ̇ር ዬይኔ” ጌይን፣ ዶካ̇ን “ቲ̈ኖ ናባን ጋርታ̇ፖ̇ ፔታ̇ና ዓይቃ ጋርታፖ̇ ዲንዲኔ” ጋ̈ሪ ሶ̈ሊኖኮታ̇ቦ። 9 ሄሮዶ̈ሲ ጋ̈ሪ “ጻማ̇ቂዛ ዋ̈ኒ̇ሳኮ ቴ ኢ ቆ̈ን ቃጺሲን ዓይቂዴ፤ ማ ዪ ዎይ ኦ̈ዴ ጌይንቲ̇ ሶ̈ሊንቲ̇ዛ ኢ ኦ̈ኖ?” ጋ̈ሪ ኢያ ቤቃ̇ንዳብ ኮዪዴ። ዬሱ̈ሲ ኢሺ̇ን ሙኩላ ኣስ ፊ̈ሺ ሙሲዴ ማ̈ቶ̈ሳ 14፡13-21 ፤ ማ̈ርቆ̈ሳ 6፡30-44 ፤ ዋ̈ኒ̇ሳ 6፡1-14 10 ሃዋ̈ራታን ዬሱ̈ሲ ኢንታ̇ ኦ̈ ጌዪ ኪቲ̇ ሚሺኖ ቤሲ̇ምፖ̇ ማ̈ቂ̇ ዬ̈ሪ ኦ̈ሲንቲ̇ኖ ባዛን ዎይ ኢ̈ብ ሶ̈ሊዴ። ኢያር ኢንታ̇ ኤካ̇ሪ ቤ̈ቴሳይዳ ካታሚን ጋርታ̇ ፔቲ̇ ጌ̈ማ ቤስ̇ ኣ̈̇ዴ። 11 ዎርዣ ዪኖ̇ ኤራሪ ኢ ዎሂን ዬ̇ን ኢያር ኢንታ̇ ኡፋይስባራ ፌ̈ክ ኤካ̇ሪ ኢንታ̇ብ ጾ̈ሳ̇̇ ካ̈ቲቲን ጎይ ሶ̈ሊ ኤ̈̇ዴ፤ ማ ፋጻንዳ̇ብ ኮሺ̇ዛን ፋዴ። 12 ሳ̈ዚን ቃማ̇ንዳ ዎታምባራ ታጶ̇ ናምኢ ሃዋ̈ራታን ኢ̈ክ ኡካ̇ሪ “ኑ ዎ ቤሲ̇ንዳ̇ ባራሃ ጋርታ̇ ማ̈ቂ̇ኖኮታ̇ቦ ዎርዣ̈ዲ ሳፋራ ጋርታ̇ኬ ጋጻራ ጋርታ̇ ሉካ̇ሪ ኣቂዝ ቤስ̇ኬ ሙይዝ ባዝ ፌ̈ብ ኮያምፔ̈ኒ ኢንታ̇ ሚሻቤ” ጌይዴ። 13 ኢ ማ̈ቃ̇ር ኢንታኮ “ሙይዝ ባዝ ዪንቲ̇ ኢንታ̇ብ ኢሚ̇ብቴ” ጌይዴ። ኢንታ̇ር ኢ̈ኮ “ኑ̈ክ ዎንዳ̇ ኢሺ̇ን ሶ̈ላ̇ኬ ናምኢ ሞላ ሙታ̇። ኑ ሉካ̇ር ዎጛካ̇ይ ኣቴ̇ጌይንዶ̇ ዓ̈ ዎይ ዎርዣ̈ብ ጊዲዝ ፊ̈ሺ ኑ̈ክ ባዬ” ጌይዴ። 14 ኢና ዎ ኣሳን ኣቲና ሙታ̇ ኢሺ̇ን ሙኩላ። ኢናፖ̇ ኢ ፌ ታማ̈ራንኮ “ዎርዣ ኢሺ̇ን ታጳ̇ ኢሺ̇ን ታጳ̇ ኣስ ማሃሪ ዶይሲ̇ብቴ̇” ጌይዴ። 15 ኢ ታማ̈ራን ኢ ኢንታ̇ ኪ̈ቲ̇ኖንዲፌ̈ን ኣሳን ዶኣምፔ̈ን ዎቲዴ። 16 ኢያሬ ኢሺ̇ን ሶ̈ሊንዲኬ ናምኢ̇ ሞላን ኤካ̇ር ፉዳ ኣፋ ሾክ ጌዪ ቤቂ̇ሙታ̇ዶ̈ር ጾ̈ሳ̇̇ ጋላታር ሶ̈ሊንዲክ ሞሊንዲክ ፋጋር ዎርዣ ዬልምፔ̈ን ፌ ታማ̈ራንቦ ኢሚ̇ዴ። 17 ዎይን ሙዪ ሚሽኪ̇ዴ፤ ኢ ታማ̈ራን ሺኖ ዶካ̇ ታጶ̇ ናምኢ ሌ̈ማታ ዲንዴ። ጴ̈ጥሮ̈ሲ ዬሱ̈ሲ ኢ ኦ̈ናኮ ማርኪቲዴ ማ̈ቶ̈ሳ 16፡13-19 ፤ ማ̈ርቆ̈ሳ 8፡27-29 18 ፔታ̇̈ብ ዬሱ̈ሲ ፌ̈ብዶ̈ር ዎ̈ሳ̇ዚምባራ ኢ ታማ̈ራን ኢ̈ክ ዬይዴ፤ ኢያር ኢንታኮ “ዎርዣ ታ̈ና ኦ̈ና ጌይራ?” ጋ̈ር ኦይጪ̇ዴ። 19 ኢንታ̇ር ኢ̈ኮ “ፔታ̇ን ፔታ̇ናን ጻማ̇ቂዛ ዋ̈ኒ̇ሳ ጌይን ሜላን ኤ̈ላ̈ሳ ጌይን ማ ዶካ̇ን ቲ̈ኖ ናባን ጋርታፖ̇ ፔታ̇ና ዓይቃ ጋርታፖ̇ ዲንዲኔ ጌይሬ” ጌይዴ። 20 ኢ ኢንታ̇ኮ “ዓት ዪንቲ̇ ታ̈ና ኦ̈ና ጌይራ?” ጌይን፥ ጴ̈ጥሮ̈ሲ “ኔ̈ኒ ጾ̈ሲ̇ ሚሻንዳ ጌዪ ሶ̈ሊኖ ክርስቶ̈ሳ” ጌዪ ማሂዴ። 21 ዬሱ̈ሲ ኢንታ̇ኮ “ዪኖ̇ ዪንቲ̇ ኦ̈ባካር ሶ̈ላፒ̇ቴ” ጋ̈ሪ ሚ̈ንር ኢንታ̇ ኪ̈ቲ̇ዴ። 22 ማ ኢ ጌይርዶሪ “ታ ኣሳ ናኣ̈ዲ ዎይሊን ሜታ ኤካ̇ንዳቦ ታ̈ብ ኮሺ̇̈ሬ። ማ ጋዳ ጪጛሻን ቲ̈ን፣ ቄ̈ስ ኣላቃን ቲንኬ ሙ̈ሳ ሂጋ̇ ታማ̈ርሲዛን ቲ̈ን ሌቂንታ̈ሬ። ማ ታ̈ና ዎሲ̈ሬ ማ̈ቂ̇ናካሬ ዓይዚ̇ ቃምባራ ዓይቃ ጋርታ̇ፖ̇ ዲንዳ̇̈ሬ” ጌይዴ። 23 ኢናፖ̇ ዎይ̈ኮ ጌይርዶሪ “ቴ ዎሂን ዬ̈ንዳ ኮዪዝ ኣሲ ኦ̈ናካር ማ̈ቂ̇ን ፌ̈ብ ቆፓዚን ኣሾ̇። ዎይ ጋላስ ሜታ ኤካ̇ንዳቦ ጊ̈ጊንቲ̇ኖ ኣስ ማ̈ቃ̇ር ቴ ዎሂን ዬጋ̈ቤ። 24 ኣባ ጌይንዶ̇ ፌ̈ብ ፌ ሼምፒ̇ን ፋንዳብ ኮዪዝ ኣሲ ኢዞ ይሲ̈ሬ፤ ቴኮታ̇ቦ ጋ̈ር ፌ ሼምፒ̇ን ኣ̈ ኢሚ̇ዝ ኣሲ ኢዞ ፋ̈ሬ። 25 ኣሲ ዓና̇ ኣላሚን ጋልዳ ዎ ቆሊን ዎይ ዲጛሪ ፌ ሼምፒ̇ን ይሴጌይንዶ̇ ኢያ ኣ ማ̈ዳ̇̈ራ? 26 ታባርኬ ታ ቃ̈ሊንባራ ዬልቂ̇ዛ ኦ̈ናካር ማ̈ቂ̇ን ታ̈ኒ ኣሳ ናኣ̈ዲ ቴ ቦንችባራ፣ ጾ̈ሳ̇̇ ባ̈ባ ቦንች ባርኬ ጌ̈ሻ̇ ኪ̈ታንቻ̇ን ቦንችባር ዬ̈ርዶራ ‘ዪ ና̈ሳ ታ ኣስ ባዬ’ ጋ̈ሬ። 27 ታ ዪንታ̇ክ ኪን ጋ̈ሬ ዓንዳ̇ ኤቂ̇ኖን ጋርታ̇ፖ̇ ጾ̈ሳ̇̇ ካ̈ቲቲን ቤቃካ̇ይዶ̈ር ዓይቂ̇ባ̈ሶ ኣሳን ዎ” ጌይዴ። ዬሱ̈ሳ ማልኪ̇̇ን ላ̈ሚንታ̇ዴ ማ̈ቶ̈ሳ 17፡1-8 ፤ ማ̈ርቆ̈ሳ 9፡2-8 28 ዬሱ̈ሲ ዪኖ̇ ሶ̈ሊን ፔቲ̇ ላማካይ ቃማ̇ፖ̇ ዓኒ ጴ̈ጥሮ̈ሳ፣ ዋ̈ኒ̇ሳኬ ዓይቆ̈ባክ ዎልኣ ፌባር ኤካ̇ሪ ጾ̈ሳ̇̇ ዎ̈ሳ̇ንዳቦ ፔቲ̇ ኢንዳ̇ ጋልዳ̇ ኬስኪ̇ዴ። 29 ኢ ዎ̈ሳ ጋልዳ̇ ዎዶ̈ኒ ኢ ማልኪ̇ን ላ̈ሚንታ̇ዴ። ኢ ማኢኖ ኣፊሊንዳሬ ጴች ቦ̈ራራ ቦልቃ̇ዴ። 30 ናምኢ ኣሳን ኢንታ̇ሬ ሙ̈ሳኬ ኤ̈ላ̈ሳኬ ዎልኣ ኢባር ሶ̈ሊንቲ̇̈ዴ። 31 ኢንቲ̇ ቦንችባራ ቤንታ̇ሪ ኢ ዬሩሳ̈ላም ካታሚን ጋርታ̇ ሜታ ኤካ̇ዚንዲኬ ዓይቃ̇ዚን ኢባር ሶ̈ሊንቲ̇ዴ። 32 ጴ̈ጥሮ̈ሳኬ ኢባር ዎ ላጋ̇ን ዎይ ጊሲ ኢንታ̇ ጋሚን ሱርቂ̇ ባርካ̇ምባራ ኢ ቦንቺ̇ንዲኬ ኢባር ዎልኣ ኤቂ̇ኖ ናምኢ ኣሳን ቤቂ̇ዴ። 33 ኣሳን ዬሱ̈ሳ ላፋፖ ሉካ̇ምባራ ጴ̈ጥሮ̈ሲ ጋ̈ሪ “ጎዳ̈ዶ! ኑ ዓንዳ̇ ዶኢ̈ርኮ̇ ኑ̈ብ ኮሼ̇። ዪዚ ዓይዚ̇ ዉዳ ኔ̈ብ ፔታ̇ኒ፣ ሙ̈ሳብ ፔታ̇ኒ፣ ኤ̈ላ̈ሳብ ፔታ̇ኒ ዉዲስቶ̇” ጌይዴ። ኢ ዪኖ̇ ኣብዝ ሶ̈ሊርካሬ ኤሪባ̈ሴ። 34 ኢ ዪኖ̇ ሶ̈ላምባራ ሻ̈ራ ዬ̈ሪ ኢንታ̇ ጌ̈ሚዴ። ሻ̈ሪን ኢንታ̇ ጌ̈ሚን ኢንቲ̇ ኢ̈ጪ̇ዴ። 35 ሻ̈ሪን ጋርታ̇ፖ “ቴ ማራ̇ጺኖ ቴ ናኣ ዓ̈ዳ፤ ዪንቲ̇ ኢ̈ኮን ሲስኪ̇ብቴ̇” ጌይዝ ጊርሲ̇ ሲስኪ̇ንቲ̇ዴ። 36 ጊርሲ̇ን ሲስኪ̇ንቲ̇ኖፖ̇ ዓኒ ኢ ታማ̈ራን ዬሱ̈ሲ ፌ̈ብ ዎዶ̈ን ቤቂ̇ዴ። ኢንቲ̇ ዪና̇ ኢዞ ፌ ቡ̈ዳ ጋርታ̇ ኤ̈̇ዶ̇ኬ ኢንቲ̇ ቤቂ̇ኖ ባዚን ዪና̇ ኢዝባራ ኦ̈ባካር ሶ̈ላካዬ። ዬሱ̈ሲ ኢ̈ታ ኣያ̇ና ኢ ጋል ዎ ናኣ ፋዴ ማ̈ቶ̈ሳ 17፡14-18 ፤ ማ̈ርቆ̈ሳ 9፡14-27 37 ኢንቲ̇ ኢዝ ዎንን ኢንዲ̇ን ጋልዳፖ̇ ሶ̈ቢኖፖ ዓኒ ዎይሊን ዎርዣ ዬ̈ሪ ዬሱ̈ሳ ኢና ዲጚዴ። 38 ዪና̇ ኢዝባራ ዎርዣ ጊዳፖ̇ ፔቲ̇ ኣሲ ፌ ቆ̈ ሾክ ዎታሪ “ኣስታማ̈ራ̈ዶ! ታ̈ብ ዎ ናኣ ፔታ̇ን ኢያ፤ ኔ ታ̈ብ ዬ̈ር ኢያ ቤቂ̇ሼ፤ 39 ኢ̈ታ ኣያ̇ና ኢያ ኤ̈̇ሪ ኢ ቆፋካ̇ይዶ̈ን ኢያ ዉይሲ̈ሪ፣ ኖ̈ኒንባር ጉፊንታ̇ ዬይሬ፣ ቃኪቲሳ̈ሪ ዎይሊን ቢጻ ኢያ ቤይሲንፖ̇ ዓኒ ጴች ሜታባራ ኢያ ኣሺ̇̈ሬ። 40 ኔ ታማ̈ራን ዪ ኢ̈ታ ኣያ̇ና ኬሳ̇ምፔ̈ኒ ቴ ኢንታ̇ ጌሺንዶ̈ን ኢንቲ̇ ኬሳ̇ንዳቦ ዳንዳኣካ̇ዬ” ጌይዴ። 41 ዬሱ̈ሳሬ “ኣማ̇ና ባዮ̇ ኢ̈ት ዬሊቲን! ዪንቲ̇ ታ̈ና ኣማ̇ናካ̇ይ ሙታ̇ ኣ̈ንት ዲራ̈ስ ቴ ዪንታ̇ባር ዶኣ̈ራ? ኣ̈ንት ዬሊ̇ዝ ዲራ̈ስ ቴ ጋርዣ ዪንታ̇ ዳንዳኣ̈ራ? ዎይዳ ናኣ ዓይ ታ̈ብ ኤሄቤ” ጌይዴ። 42 ና̈ራ ቢርት ዬ̈ዚምባራ ኢ̈ታ ኣያ̇ና̈ዲ ኢያ ሳ̈ዳ̇ ቶጛሪ ቃኪቲሳምባራ፥ ዬሱ̈ሲ ኢ̈ታ ኣያ̇ና ቆዳ̇ር ናኣ ፋሪ ባ̈ባ̈ቦ ኢሚ̇ዴ። 43 ኣሳን ዎይ ጾ̈ሳ̇̇ ጴቺ̇ቲባራ ጋራ̇ሚንቲ̇ዴ። ኢ ኦ̈ኖ ኦ̈ሳባራ ኣሳ ዎይ ጋራ̇ሚንቲ̇ሙታ̇ ዎዶ̈ን ኢ ፌ ታማ̈ራንኮ፥ 44 “ዓና̇ ቴ ዪንታ̇ብ ሶ̈ላዝ ሶ̈ሊን ኮሺንቻ̇ር ሲስኪ̇ብቴ̇፦ ኣሳን ታ̈ና ኣሳ ናኣ̈ ኣሳን ኩሽታ̇ ኣ̈ ኢሚ̇̈ሬ” ጌይዴ። 45 ኢንቲ̇ ዪኖ̇ ኢ ጋ̈ዚን ኣብዝ ጌይርኮ ኢንታ̇ብ ጌላካ̇ዬ። ኤልቅ ዎታካ̇ይፌ̈ኒ ኢንታ̇ ጋልዳፖ̇ ጌ̈ሚቲኔ፤ ማሃር ኦይጫካይፌ̈ኒ ኢ̈ጪ̇ዴ። ዎይ̈ፖ̇ ሺዛ ኦ̈ና ዶ̈ኔ? ማ̈ቶ̈ሳ 18፡1-5 ፤ ማ̈ርቆ̈ሳ 9፡33-37 46 ኢ ታማ̈ራን “ኑ ዎይን ጋርታፖ̇ ሺዛ ኦ̈ኖ” ጋ̈ሪ ዎልዎልኣ ፋላማ ኤ̈̇ዴ። 47 ዬሱ̈ሲ ኢንታ̇ ቡ̈ዲን ጋርታ̇ ዎ ቆፊን ኤራሪ ኣቂሊ ናኢ ፔታ̇ን ኤሄ̈ር ፌ ላፍ ኤሲ̇ዴ። 48 ኢናፖ̇ ኢ ኢንታ̇ኮ “ዓ ኣቂሊ ናኣ ቴ ሱምባራ ሞኪ̇ኖ ኣሲ ታ̈ና ሞኪ̇ኔ፤ ታ̈ና ሞኪ̇ኖ ኣሲ ታ̈ና ኪ̈ቲ̇ ሚሺኖ ሞኪ̇፤ ዪንታ̇ ጋርታ̇ ዎይንፖ̇ ጉ̈ጺ̇ዝ ና̈ሳ̈ዲ ኢ ዎይንፖ̇ ሺ̈ሬ” ጌይዴ። 49 ዋ̈ኒ̇ሲ “ጎዳ̈ዶ! ፔቲ̇ ኣስዶ̈ሪ ኔ ሱምባራ ኢ̈ታ ኣያ̇ና ኬሳ̇ምባራ ቤቃ̇ር ኢ ኑባር ማ̈ቃ̇ር ኔ ዎሂን ዬ̇ባ̈ሶኮታ̇ቦ ኑ ኢያ ካዪዴ” ጌይዴ። 50 ዬሱ̈ሲ ኢንታኮ “ዪ ፌ̈ኖ ካያፒ̇ቴ፤ ዪንታ̇ ኢጺ̇ባ̈ሶ ኣሲ ዎይ ዪንታ̇ ኣሴ” ጌይዴ። ሳማ̈ራ ጋዶ̇ ኣሳን ዬሱ̈ሳ ኢጺ̇ዴ 51 ዬሱ̈ሲ ኣፋ ሉኪ̇ዝ ኬሊ̇ ዬሊ̇ን ዬሩሳ̈ላም ሉካ̇ንዳ̇ቦ ጊጺ̇ ዲንዲ̇ዴ። 52 ቲ̈ኒታር ፌ ኪ̈ት ኣሳን ኢና ሚሺዴ። ኢንታ̇ር ኢ̈ብ ኣባክ ጌ̈ዚንንዳቦ ፔቲ̇ ሳማ̈ራ ኣሳን ሳፋራ ጋርታ̇ ሉካ̇ር ጌሊዴ። 53 ዎርዣ̈ዲ ኢ ዬሩሳ̈ላም ሉካ̇ዚን ኤሪኖኮታ̇ቦ ኢያ ሞኪ̇ ኤካካ̇ይ ኣቲ̇ዴ። 54 ኢ ታማ̈ራን ዓይቆ̈ባኬ ዋ̈ኒ̇ሳክ ዎልኣ ዪኖ̇ ቤቃ̇ሪ [“ጎዳ̈ዶ ኤ̈ላ̈ሲ ዎቲኖንፌ̈ኒ] ታማ ኣፋፖ̇ ሶ̈ቢሳር ኢንታ̇ ይሳ̇ምፔ̈ን ኑ ዎታኔ?” ጌይዴ። 55 ዬሱ̈ሲ ኢንታ̇ክ ቢሪንታ̇ር ኢንታ̇ ቆዳ̇ሪ “ዪንቲ̇ ኣ ፌ̈ኖ ኣያ̇ናባር ዎ ኣስኮ ኤሪባ̈ሴ። ቴ ኣሳ ናኣ ዬይኖንዳ̇ ኣሳ ሼምፓ ፋንዳብዶኬ ይሳ̇ንዳብ ጊዳካ̇ዬ” ጌይዴ። 56 ኢናፖ̇ ዲንዳሪ ሜላ ቤስ̇ ሉኪ̇ዴ። ዬሱ̈ሳ ኣማ̇ኒዝ ኣሳን ዬሊ̇ዝ ሜታ ማ̈ቶ̈ሳ 8፡19-22 57 ኢንቲ̇ ሉካ̇ዚምባራ ፔቲ̇ ኣሲ ዬሱ̈ሳክ ዬ̈ሪ “ኔ ሉካ̇ዝ ቤሲ̇ን ዎይ ቴ ኔ ዎሂን ዬ̇ንዳ̇” ጌይዴ። 58 ዬሱ̈ሲ ኢ̈ኮ “ዶ̈ባ̇ንቦ ጌላር ኣቂዝ ዶ̈ቺ̇ ኢንታ̇ብ ዎ፤ ካፋንባር ኢንቲ̇ ዶኢዝ ኬ̈ ዎዶኒ ቴ ኣሳ ናኣ̈ቦ ሜላ ኣቲ̇ን ጌላር ሼምፒ̇ዝ ኬ̈ ታ̈ብ ባዬ̇” ጌይዴ። 59 ና̈ሳ ሜላ̈ኮ “ቴ ዎሂን ዬ̇ቤ” ጌይን ኢያሬ “ጎዳ̈ዶ! ቴ ቲ̈ኒታር ሉካ̇ራ ቴ ባ̈ባ̈ ዱ̈ካ̇ምፔ̈ን ታ̈ና ሚሺሼ” ጌይዴ። 60 ዬሱ̈ሲ ኢ̈ኮ “ዓይቂ̇ኖን ዓይቂ̇ኖን ዱ̈ካ̇ምፔ̈ን ኣሻ̇ራ ኔ̈ኒ ጾ̈ሳ̇̇ ካ̈ቲቲን ዬ̈ዚን ሳባ̇ካቤ” ጌይዴ። 61 ማ ሜላ ኣሲ ኢ̈ኮ “ጎዳ̈ዶ! ቴ ኔ ዎሂን ዬን ዬ̇ንዳዶ̈ን ዪኒ̇ፖ ቲ̈ን ቴ ማ̈ቃ̇ራ ታ ኣ̈ሎ ኣሳን ‘ሳራ ዶኢብቴ̇’ ጋ̈ር ዬ̈ስቶ” ጌይዴ። 62 ዬሱ̈ሲ ና̈ሳ̈ኮ “ጌ̈ን ኦ̈ንዳብ ኢርፋ ፌ ኩሽታ̇ ኤ̈̇ሪ ጋስ ማ̈ቂ̇ ቤቂ̇ዝ ኣሲ ጾ̈ሳ̇̇ ካ̈ቲቲ ኦ̈ሲምቦ̇ ማ̈ቂ̇ባ̈ሴ” ጋ̈ር ማሂዴ። |