2 ቆሮ 6 - ኦራ ጫ̈ቃ ማጻ̈ፋ1 ኑ̈ኒ ጾ̈ሳ̇̈̇ባር ዎልኣ ኦ̈ዝ ኣስ ማ̈ቂ̇ኖንዲፌ̈ኒ ዪንቲ̇ ኤኪ̇ኖ ጾ̈ሳ̇̇ ኮሺ̇ቲን ሜላ̇ ዓሪ ኣሻፒ̇ቴ ጋ̈ሪ ኑ ዪንታ̇ ጌሺ̈ሬ። 2 ጾ̈ሳ̇̇̈ዲ፦ “ቴ ኮዪኖ ኬል̇ባራ ኔ ጋ̈ዚን ሲስካ̇ዴ! ቴ ኔ̈ና ፋንዳብ ኮዪኖ ኢዝ ቃሚ̇ን ኔ̈ና ማ̈ዳ̇ዴ!” ጌይሬ፤ ዪዚ ጾ̈ሲ ኮዪኖ ቃሚ̇ንዳ ዓቴ̇፤ ፋጻዝ ቃሚ̇ንዳር ዓቴ̇። ጳውሎ̈ሳ ዬሊ̇ኖ ሜታ 3 ኑ ኦ̈ሲን ኣሳ ቲ̈ን ኢ̈ት ማ̈ቃር ቤንታ̇ካ̇ይፌ̈ኒ ኣባካር ማ̈ቂ̇ን ኑ̈ኒ ኦ̈ባካር ፊ ማ̈ቂ̇ባዳ። 4 ዪኒፖ̇ ኑ̈ኒ ሜታ̇ኬ ዋ̈ያኬ ጋርዣር ጾ̈ሳ̇ ኣሽካራፌን ኑ ኑና ዎይ ጎይባር ቤይሲ̈ሬ። 5 ኑ̈ኒ ጾ̈ሳ̇ ኣሽካራ ማ̈ቂ̇ኖን ቡኪ̇ንቲሙታ̇፣ ቃቺ̇ንቲሙታ̇፣ ኣሲ ኑ ጋል ዉይሲን ዳንዳኢሙታ፣ ኦ̈ሳባር ዳቡሪሙታ̇፣ ሱርቃካ̇ይ ኣቂሙታ̇ኬ ጋፍ ዓይቂ̇ሙታ̇ ቤይሲ̈ሬ። 6 ማ ጌ̈ሺ̇ቲባራ፣ ኤራባራ፣ ጋርዣባራ፣ ኮሺ̇ቲባራ፣ ጌ̈ሻ̇ ኣያ̇ናባር ቲ̈ንቲ̇ሙታ̇ኬ ኪን ቡ̈ዳባር ካንባራ፥ 7 ኪን ሶ̈ላባርኬ ጾ̈ሳ̇ ዎልቃባራ። ኑ ጻላታ ጋማንዳቦ ማ̈ቂ̇ዝ ኑ ኦላ ማሳ̇̈ሪንዳ ጺሊ̇ቲ። 8 ኑ̈ኒ ቦንቻ̇ቦ ዎይ ዉርዳታቦ ቆ̈ንታንዳቦ ዎይ ኣንጂ̇ንታ̇ንዳቦ ጊጊ̇ንቲ̇ኖ ኣሴ፤ ኑ̈ኒ ኪን ሶ̈ሊርዶን ኣሳን ኑ̈ና ማቂ̇̈ሬ ጌይዴ። 9 ኑ̈ኒ ኤሪንቲ̇ኖ ኣስዶኒ ኤሪንታካ̇ዮ ኣስፌ̈ን ማ̈ቂ̇ዴ። ዓይቂ̇ኔ ጋ̈ዚምባ̇ራ ሼምፓባሮ ኣስ ማ̈ቃ̇ር ቤንቲ̇̈ሬ፤ ኑ̈ኒ ቡኪንቲ̇ንዶናር ዓይቃካ̇ዬ። 10 ኑ̈ና ኣዛን̈ርካሬ ዎይ ጋላስ ኑ̈ኒ ኡፋይቲ̇̈ሬ። ኑ̈ኒ ዎርባያካሬ ዎይሊንን ዱር ማሂ̈ሬ፤ ኑ̈ብ ኣባካር ባዪካሬ ዎይ ባዚ ኑ̈ብ ዎ። 11 ዪንቲ̇ ቆሮንቶሳ ካታማ ጋርታ̇ ዶኢዝ ኣሳን! ኑ ዪንታ̇̇ብ ፋል̇ ሶ̈ሊኔ፤ ኑ ዪንታ̇ ካዝ ካንን ኣፌ̈ንኮ ዪንታ̇̇ ቤይሲኔ። 12 ዪንቲ̇ ኑ̈ና ካዚን ኣሺ̇ዶ̇ኬ ኑ ዪንታ̇ ካዚን ኣሻ̇ካ̇ዬ። 13 ባ̈ቦ ፌ ናኣንቦ ሶ̈ላዚንዲፌ̈ን ሶ̈ላስቶ̇፥ ኑ ዪንታ̇ ካዝ ካንን ኣፌ̈ንኮ ዪንታ̇ ፋላ̇ ጋልዳ ቤይሲኖንዲፌ̈ን ዪንታ̇̇ር ዪና̇ ኢዝፌ̈ን ዎቲብቴ። ኣማ̇ናካዮ ኣሳንባር ፔቲ̇ቲ ዪንታ̇̇ብ ዶኣፖ ጋ̈ቤ 14 ኣማ̇ኒባ̈ሶ ኣሳንባራ ማ̈ቂ̇ባሶ ጎይባር ዎልኣ ዬላፒ̇ቴ፤ ጺሊ̇ቲኬ ናጋራኬ ኣብዚ ዎል ዬሊ̈ራ? ፎኢንኬ ምኬ ዎዛርታር ዎልኣ ዶኣንዳብ ዳንዳኢ̈ራ? 15 ክርስቶ̈ሳኬ ሴ̈ጣናክ ኣብዚ ኢንታ ዎል ዬል̈ራ? ኣማ̇ኒዛ̈ዲኬ ኣማ̇ኒባ̈ሶዲክ ኣብዚ ዎል ዳቢ̇̈̇ራ? 16 ጾ̈ሳ̇ ኬ̈ኬ ጻላሃክ ኣብዚ ዎል ዬልራ? ኣባ ጌይን ጾ̈ሳ̇̇̈ዲ፦ “ታ̈ኒ ቴ ዎርዣ ጊዳ̇ ዶኣንዳ፤ ቴ ኢንታ̇ ጊዳ ዬ ቢሪንታ̇ንዳ፤ ቴ ኢንታ̇ ጾ̈ስ ማ̈ቃ̇ንዳ፤ ኢን̇ታ̇ሬ ቴ ዎርዣ ማ̈ቂ̇̈ሬ” ጋ̈ሪ ሶ̈ሊኖንዲፌ̈ኒ ኑ ዎይ ሜናብ ዶኢዛ ጾ̈ሳ̇ ኬ̈። 17 ማ ጎዳ̈ዲ፤ “ኢንታ̇ ጊዳ̇ፖ̇ ዱማ ኬስኪ̇ብቴ ቄ ማ̈ቂ̇ኖ ባዝ ዎ̈ሻፒ̇ቴ ቴ ዪንታ̇ ቴዪ ማሃር ኤካ̇ንዳ፤ 18 ቴ ዪንታ̇ብ ባ̈ባ ማ̈ቃ̇ንዳ፤ ዪንታ̇̇ር ታ̈ብ ኣቲና ናኢኬ ማጫ̇ ናኢ ማ̈ቂ̇̈ሬ፤ ጌይሬ ዎይን ዳንዳኢዝ ጾ̈ሳ̇̇̈ዲ።” ጌይኔ። |