Usea 3 - Fanawbuid tagsibaliwas Fakayabian

Usea ay at Mangena

¹ Yawi nalong sa angku te, “Usea, ulii yap, ay namasaful o sam mangena te, kesug yay o fia anya dewa sik takamatugtug. Esugi anya kata nu kesug au ngay taw Israel dewa naseg tibak fagsegan siginan nu gfon ngay tinapay ke ngay famasuglat.”

² Nu katanya, nabayad au anya labi limak lifung salapi, ay ufatk saku rawvg barli.

³ Sanya ginan, noli kwan ay nalong au sa ku mangena te, “Magamuti tua si angku nu seyuk menit, ay lag ban o namaylatan ya tibak mangama. Ay anggan ban au kya gfataladan emu.”

⁴ At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

⁵ Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.