Ub 26 - Fanawbuid tagsibaliwas Fakayabian

Ub Naringang

¹ Ay Ub nabalus anya te,

² “O nu glong o mafagubuk o at yud e fagmakatuun, ay mafalangfe o at ngay mamomuy?

³ O nu glong o mafoyung o sat yud e fagsafulun siginan nu gfasure o am fagsafulun?

⁴ Sinu am nafakamatoan kayunya am ngay nalong? Sinu at nafoyung emu takatanya?

⁵ Ngay kinbul gtadtaruyan kalimu, anggan at ngay mafolian sis bangsi lino.

⁶ Dius glag way at ngay kinbul at talun ay we gfarum at kinfaurianan at talun.

⁷ Dius narafad kiwang sis daga banwa, ay narabing fagdaul daga sat yud e nusnge wain ya.

⁸ Ay kanya gsifig arak siginan sik linyabu daul, dewa katanya, di karasras dewa mabyat.

⁹ Kanya gfarum magdanun gina mabalulang, ay gtabun sik linyabu.

¹⁰ Kanya nafae wabilug banwa ay dagat, laman yamag ay dulum e wabilug.

¹¹ Ay kanya nu ndotama way, banwa at fagtungkudan guigan.

¹² Siginan at fagmabalyananun mafaragang way lugwak, ay siginan at fagsafulun nababo ule daul at ngayan te, Rakab.

¹³ Siginan at engasan mafamanabayan way banwa, ay siginan at fagmabalyananun mafabul tagfangagat fag ule daul.

¹⁴ Fagayu takatanya, sa anya we makalpa. Kata nu nadungug tam sik inasan. Sinu at nasaful Dius at fagmabalyananun?”