Tap 34 - Fanawbuid tagsibaliwas Fakayabian

Kanaan at ngay Taba Daga

¹ Yawi nalong sas Muisis te,

² “Longi sa sangay taw Israel te, ‘Gina ban am sis Kanaan, tuy waban fag ngay taba daga ay fagnangagbilugun:

³ “ ‘Ay taba sas fasiunan fag alvngvdan, sis Sin fag talun at yud e taw ay sis Edum at taba daga. Ay kanya gfasigad siginans Dagat at Mabulan at fasiunan fag alvngvdan,

⁴ ay kabaraud sas fasiunan fag alvngvdan tagsas Agipan fag Dalan, yakmay andasug sas Sin fag talun at yud e taw, ay gtaglayun baliwas fasiunan fag alvngvdan Kades-Barnea. Ay sanya ginan, gtaglayun sas Kasar-Adar sitsigons Asmun.

⁵ Ay kabaraud tagsas fagfamiluganan mamam sis talun Igiptu, sitsigons Dagat Mediteranyu.

⁶ “ ‘Ay ay taba sas fakayabian sis tigyangan Dagat Mediteranyu.

⁷ “ ‘Ay ay taba sas fawalan fag alvngvdan gfasigad siginans Dagat Mediteranyu sitsigons buksul Ur,

⁸ ay siginans buksul Ur sitsigons Lebu-Kamat ay gtaglayun sas Sedad,

⁹ ay sas Sifrun sitsigons Kasar-Enan.

¹⁰ Ay taba sas fakamenitan gfasigad siginans Kasar-Enan sitsigons Sefam.

¹¹ Sanya ginan, gfatagbung wan sas Ribla, sis Ayin at fakamenitan, ay gtaglayun sa sangay buksul sis day Dagat Galilea at fakamenitan.

¹² Sanya ginan, gulitan Liskung Urdan sitsigons Dagat at Mabulan. “ ‘Kadaul nya ay talun, ay katanya wan anggan ay ngay taba daga.’ ”

¹³ Sanya ginan, Muisis nalong sa sangay taw Israel te, “Afudi kafag talun siginan nu gfafidfilian laman ban ay ngay fagagbilugun. Yawi nalong te, foni kafag talun sas siam ay sik wabilug ya fag kasugfunanan,

^14-15 aroro Rubin, Gad ay Manase fag wabilug kasugfunanan nagbilug wan at afud daga si baliwas fakamenitan Liskung Urdan munakbang sis Eriku.”

¹⁶ Yawi nalong sas Muisis te,

¹⁷ “Elyasar fag tagfon fanggalangun ay Uswe, Nun at baguama, at nangafud kafag talun laman sa sangay taw.

¹⁸ Ay filii sik tagfangguna sas galay kasugfunanan laman ggubuk gina gafud kafag talun.

^19-28 Kayu tuy at ngay ngayan: Kasugfunanan Tagfangguna Uda Kaleb, Efune at baguama Simyun Semwel, Amyud at baguama Benamin Elidad, Kislun at baguama Dan Buki, Ugli at baguama Manase, Use at baguama Kanyel, Efud at baguama Efraim, Use at baguama Kemwel, Siftan at baguama Sebulun Elisafan, Parnak at baguama Isakar Paltiel, Asan at baguama Aser Akyud, Selumi at baguama Naftali Pedael, Amyud at baguama.”

Kasugfunanan Tagfangguna

²⁹ Kayunya Yawi at nafili at nanggubuk gina gafud talun Kanaan sat ngay taw Israel laman at fagagbilugun.