Tap 29 - Fanawbuid tagsibaliwas Fakayabian

Ngay Fanggalangun sabaliwa Fagmafulun nu Gfawang ngay Budyung

¹ “ ‘Gina taguna fag menit sis fafituk magdanun, lag am gfakamulun, abat ngate, afuli laman nu gseg Yawi. Ginanya fag menit, fawangi ngay budyung.

² Sanya ginan, foni fagirugun fag ngay fanggalangun ay at ayuk at mabebanglu sik famauseganan Yawi: sik riangan tama baka, sik tama tupa ay fituk tama tupa tagsadik banwa. Masine nu gfon am yud e malong fag ngay fagbaugun.

³ Gina am gfon takatanya fag ngay fanggalangun, fasfuani sik fanggalangun famauseganan Yawi at masine fag fangawat tinapay mafasuglatan langis; unumk fabudbungguan fangawat tinapay laman sas galay riangan tama baka, ufatk fabudbungguan fangawat tinapay laman sas galay tama tupa,

⁴ ay duak fabudbungguan fangawat tinapay sas galay riangan tupa.

⁵ Foni yangay fanggalangun sik tama kambing laman fanggalangun famalyam asalanan laman mafalyam am asalanan.

⁶ Foni takatanya fag ngay fanggalangun saman ya ngay fagirugun fag fanggalangun ay gutluan fag fanggalangun ay ngay fanginum fag fanggalangun galay menit. Kanya wan at ngay fagirugun fag ngay fanggalangun, ay at mabebanglu fag ayuk gfauseganan Yawi.

Ngay Fanggalangun gina Gfalyam Asalanan

⁷ “ ‘Sis fasafuluk menit sis fafituk magdanun, fafuli laman nanseg am Yawi. Masine yud gfangon am laman gdarangin ay lag am gfakamulun.

⁸ Sanya ginan, foni ngay fanggalangun fagirugun, ay at ayuk at mabebanglu sik famauseganan Yawi: sik riangan tama baka, sik tama tupa ay fituk tupa tagsadik banwa. Masine nu yud e malong anya fagayu.

⁹ Gina gfon am fanggalangun, fasfuani fanggalangun famauseganan Yawi at masine fag fangawat tinapay nafaesuglat langis, unumk fabudbungguan fangawat tinapay laman sas galay riangan tama baka, ufatk fabudbungguan fangawat tinapay laman sas tama tupa,

¹⁰ ay duak fabudbungguan fangawat tinapay laman sas galay riangan tupa.

¹¹ Foni yangay sik tama kambing laman fanggalangun famalyam asalanan, saman ya fanggalangun sat nafian, ay at fagirugun fag fanggalangun galay menit gasfuan nu gfon fanggalangun famauseganan Yawi ay fanginum fag fanggalangun.

Fagmafulun sabaliwa nu Kawat ngay Fayag

¹² “ ‘Galay sis falabi limak menit ginanya fag magdanun, lag am gfakamulun, abat ngate, afuli yakman ay segi Yawi. Afuli fauseganani Yawi kaduge fituk menit.

¹³ Foni fagirugun fag ngay fanggalangun, ay at ayuk at mabebanglu sik famauseganan Yawi. Sis fasadik menit, ay fanggalangun labi tuluk riangan baka tama, duak tama tupa ay labi ufatk tama tupa riangan tagsadik banwa. Kanya fag ngay fanggalangun dangay at ke malong.

¹⁴ Gina am gfon kafag ngay fanggalangun, fasfuani foni famauseganan Yawi fag fanggalangun at masine fag fangawat tinapay nafaesuglat langis; unumk fabudbungguan fangawat tinapay ay fagfasfuanun galay sik riangan baka, ufatk fabudbungguan fangawat tinapay galay sik tama tupa,

¹⁵ ay duak fabudbungguan fangawat tinapay galay sik riangan tupa.

¹⁶ Foni yangay sik tama kambing laman sik fanggalangun famalyam asalanan, saman ya ay fagirugun ay gutluan ay fanginum fag ngay fanggalangun ay fon kayu menit.

¹⁷ “ ‘Sis faduak menit, ay fanggalangun labi duak riangan baka tama, duak tama tupa ay labi ufatk tama tupa riangan tagsadik banwa. Kanya fag ngay fanggalangun dangay at ke malong.

¹⁸ Gina am gfon ay fanggalangun, foni nu seyu at kasakan fag fanggalangun famauseganan Yawi ay foni yangay fanginum fag fanggalangun.

¹⁹ Foni yangay sik tama kambing laman sik fanggalangun famalyam asalanan, saman ya ay fagirugun ay gutluan ay fanginum fag ngay fanggalangun ay fon kayu menit.

²⁰ “ ‘Sis fatuluk menit, ay fanggalangun labi sadik riangan baka tama, duak tama tupa ay labi ufatk tama tupa riangan tagsadik banwa. Kanya fag ngay fanggalangun dangay at ke malong.

²¹ Gina am gfon ay fanggalangun, foni nu seyu at kasakan fag fanggalangun famauseganan Yawi ay foni yangay fanginum fag fanggalangun.

²² Foni yangay sik tama kambing laman sik fanggalangun famalyam asalanan, saman ya ay fagirugun ay gutluan ay fanginum fag ngay fanggalangun ay fon kayu menit.

²³ “ ‘Sis faufatk menit, ay fanggalangun safuluk riangan baka tama, duak tama tupa ay labi ufatk tama tupa riangan tagsadik banwa. Kanya fag ngay fanggalangun dangay at ke malong.

²⁴ Gina am gfon ay fanggalangun, foni nu seyu at kasakan fag fanggalangun famauseganan Yawi ay foni yangay fanginum fag fanggalangun.

²⁵ Foni yangay sik tama kambing laman sik fanggalangun famalyam asalanan, saman ya ay fagirugun ay gutluan ay fanginum fag ngay fanggalangun ay fon kayu menit.

²⁶ “ ‘Sis falimak menit, ay fanggalangun siamk riangan baka tama, duak tama tupa ay labi ufatk tama tupa riangan tagsadik banwa. Kanya fag ngay fanggalangun dangay at ke malong.

²⁷ Gina am gfon ay fanggalangun, foni nu seyu at kasakan fag fanggalangun famauseganan Yawi ay foni yangay fanginum fag fanggalangun.

²⁸ Foni yangay sik tama kambing laman sik fanggalangun famalyam asalanan, saman ya ay fagirugun ay gutluan ay fanginum fag ngay fanggalangun ay fon kayu menit.

²⁹ “ ‘Sis faunumk menit, ay fanggalangun waluk riangan baka tama, duak tama tupa ay labi ufatk tama tupa riangan tagsadik banwa. Kanya fag ngay fanggalangun dangay at ke malong.

³⁰ Gina am gfon ay fanggalangun, foni nu seyu at kasakan fag fanggalangun famauseganan Yawi ay foni yangay fanginum fag fanggalangun.

³¹ Foni yangay sik tama kambing laman sik fanggalangun famalyam asalanan, saman ya ay fagirugun ay gutluan ay fanginum fag ngay fanggalangun ay fon kayu menit.

³² “ ‘Sis fafituk menit, ay fanggalangun fituk riangan baka tama, duak tama tupa ay labi ufatk tama tupa riangan tagsadik banwa. Kanya fag ngay fanggalangun dangay at ke malong.

³³ Gina am gfon ay fanggalangun, foni nu seyu at kasakan fag fanggalangun famauseganan Yawi ay foni yangay fanginum fag fanggalangun.

³⁴ Foni yangay sik tama kambing laman sik fanggalangun famalyam asalanan, saman ya ay fagirugun ay gutluan ay fanginum fag ngay fanggalangun ay fon kayu menit.

³⁵ “ ‘Sis fafituk menit, lag am gfakamulun, abat ngate, afuli laman nanseg am Yawi.

³⁶ Foni fagirugun fag ngay fanggalangun, sik riangan tama baka, sik tama tupa ay fituk tama tupa tagsadik banwa, ay at ayuk at mabebanglu sik famauseganan Yawi. Kafag ngay fanggalangun at yudi tua e malong.

³⁷ Gina am gfon ay fanggalangun, foni nu seyu at kasakan fag fanggalangun famauseganan Yawi ay foni yangay fanginum fag fanggalangun.

³⁸ Foni yangay sik tama kambing laman sik fanggalangun famalyam asalanan, saman ya ay fagirugun ay gutluan ay fanginum fag ngay fanggalangun ay fon kayu menit.

³⁹ “ ‘Saman ya sa ay ngay fanggalangun sabaliwa sik fatuyanan, ay at yud fabulunan fag fanggalangun, foni yangay fanggalangun laman sas Yawi sat nafalganan fag buknga nu gfon fanggalangun: ngay fagirugun fag fanggalangun, ngay gutluan fag fanggalangun, ngay fanginum fag fanggalangun ay ngay fanggalangun laman sas fagmanabayanun.’ ”

⁴⁰ Muisis nafoyung takatanya fagayu sa sangay taw Israel kata Yawi at suguan sa anya.