Tap 2 - Fanawbuid tagsibaliwas Fakayabian

Ngay Taw Israel ay at ngay Fagmafulan

¹ Yawi nalong sas Muisis ay sas Arun te,

² “Ngay taw Israel nu kawat at ngay bale, fatungluani ku bale, ay galay sik talanan sii tua at mesa famatoglag fag ramit.

^3-8 Ay Uda, Isakar, ay Sebulun at ngay kasugfunanan namanwan sas fakamenitan baliwa, sit mesa kasugfunanan at famatoglag fag ramit. Kayu tuy ngay tagfangguna at ngay ngayan ay at ngay tagfawayan at kayuan: Uda Naksun, Aminadab at baguama 74,600 Isakar Netanel, Suar at baguama 54,400 Sebulun Elyab, Kelun at baguama 57,400

⁹ “Fagayu tuy fag ngay gaban, Uda at kasugfunanan at fagfanggunaun, nu fagayu wan 186,400. Kanya fagayu tagfangguna gina ngay taw Israel glao.

^10-15 “Ay Rubin, Simyun ay Gad at ngay kasugfunanan maful sas fasiunan fag alvngvdan baliwa, sit mesa daga kasugfunanan at famatoglag fag ramit. Kayu tuy ngay tagfangguna at ngay ngayan ay at ngay tagfawayan at kayuan: Rubin Elisur, Sedeur at baguama 46,500 Simyun Selumiel, Surisaday at baguama 59,300 Gad Elyasaf, Deuel at baguama 45,650

¹⁶ “Kanya fag ngay gaban, Rubin at kasugfunanan at fagfanggunaun. Nu fagayu wan 151,450. Kanya fagayu tagfangguna at faduak talad gina ngay taw Israel glao.

¹⁷ “Ngay taw Lebi gbuba ku bale ay gguyan taguna fag duak gaban. Fagayu kasugfunanan gadgaloan glao kata at kaugalian nu gbanwan gina maful, ay galay sik kasugfunanan sit daga mesa famatoglag fag ramit.

^18-23 “Ay Efraim, Manase ay Benamin at ngay kasugfunanan nu gbale, sis fakayabian baliwa, sit mesa daga famatoglag fag ramit. Kayu tuy ngay tagfangguna at ngay ngayan ay at ngay tagfawayan at kayuan: Efraim Elisama, Amyud at baguama 40,500 Manase Gamaliel, Pedasur at baguama 32,200 Benamin Abidan, Gidyuni at baguama 35,400

²⁴ “Kanya fag ngay gaban, Efraim at kasugfunanan at fagfanggunaun, nu fagayu wan 108,100. Ngay taw Lebi sis faguyanan gina ngay taw Israel glao.

^25-30 “Ay Dan, Aser ay Naftali at ngay kasugfunanan nu kawat at ngay bale ramit, sibaliwas wala fag alvngvdan, sit mesa daga famatoglag fag ramit. Kayu tuy ngay tagfangguna at ngay ngayan ay at ngay tagfawayan at kayuan: Dan Akyeser, Amisaday at baguama 62,700 Aser Pagyel, Ukran at baguama 41,500 Naftali Akira, Enan at baguama 53,400

³¹ “Kanya fag ngay gaban, Dan at kasugfunanan at fagfanggunaun, nu fagayu wan 157,600. Kanya fag ngay gaban tagsis faguyanan, sit famatoglag fag ramit.”

³² Ay at nariruk fag ngay taw Israel siginan at mesa kasugfunanan, nu fagayu wan 603,550.

³³ Dewa katanya, ya ntaip sanya ngay taw Lebi, kata Yawi at suguan sas Muisis.

³⁴ Nu katanya, ngay taw Israel nafakamulun fagayu Yawi at suguan sas Muisis. Galay sik kasugfunanan at ngay gaban ay talananan namaful ay nalao sit daga mesa famatoglag fag ramit.