Nemyas 7 - Fanawbuid tagsibaliwas Fakayabian

Nu Gfili sik ngay Tagfangguna sis Erusalem

¹ Ay furuan daul at alad nu ntabu wan, ay nu nafoli wan at ngay dingding sakbawan, nafili yangay tagulit ngay sakbawan, ay anggan ngay tagsaful galubad, ay anggan ngay taw Lebi kata at ngay mesa fanambagun.

² Ay nafili au ku faduksay Kanani laman at funan sis Erusalem ay nafili kyangay Kananya laman sik fun tagfawayan tagulit sit mogat fag afud furuan. Nafili au Kananya aroro kanya sik masine fagfatigwanan ay gsuyu tua Dius gtungud yay tibak taw.

³ Ay nalong au sanya fagayu te, “Lag gfabayan furuan at ngay sakbawan nu maluangan dewa sis buknga menit, ay dewa e ngay tagulit sanya. Tuyani tua gugat laman madingdingan tua ngay sakbawan. Filii yangay tibak taw siginans Erusalem laman sik ngay tagulit alad, laman gulit sit ngay aturunan bale, ay tiba fasai tibak afud alad.”

Ngay Taw at Kinfoli siginan at Fagatabananan

⁴ Ebi furuan Erusalem gbia tua, dewa katanya, ya ngayu tagbanwan sanya, ay anggan at ngay bale ya ngayu.

⁵ Nu katanya, ku Dius nafamatangan angku te, fafuli ngay tagfangguna, ay at ngay fun tagfawayan, ay tiba yak tagbanwan laman galay sik talanan anriruk tua. Ay sanya nalag au taguna at kinfoli fag ngay talanan siginan at fagatabananan. Kayu tuy at marirukan.

⁶ Kayu tuy ngay taw Israel tagsis afud talun Uda, fun Nabukudunusur at nataban sas Babilunya. Ay kanya fagayu nalo wan sanya ginan, ay anfoli wan sas Erusalem ay sat ngay mesa furuan sas Uda.

⁷ At nafangguna gina kanya fagayu kafoli sas Erusalem, Serubabel, Eswa, Nemyas, Asarya, Raamya, Nakamani, Mardukyu, Bilsan, Misperet, Bigbay, Nekum ay Baana.

^8-25 Kayu tuy taw Israel at ngay kasugfunanan at kinfoli siginan at fagatabananan: Parus 2,172 Sefatya 372 Ara 652 Pakat-Muab (siginan Eswa ay Uab at ngay kalongan) 2,818 Elam 1,254 Satu 845 Sakay 760 Binwi 648 Bebay 628 Asgad 2,322 Adunikam 667 Bigbay 2,067 Adin 655 Ater (at ngayan yangay te, Esekyas) 98 Kasum 328 Besay 324 Karif 112 Gibyun 95

^26-38 Kayu tuy at kinfoli siginan at fagatabananan, ay at ngay mangaguyang tagbanwan ste fag ngay furuan: Betleem ay Netufa 188 Anatut 128 Bet-Asmabet 42 Kiryat-Earim, Kefira ay Beerut 743 Rama ay Geba 621 Mikmas 122 Betel ay Ai 123 Nebu 52 Elam 1,254 Karim 320 Eriku 345 Lud, Adid, ay Unu 721 Senaa 3,930

^39-42 Ay kayu tuy ngay tagfon fanggalangun at ngay kasugfunanan at kinfoli siginan at fagatabananan: Edaya at ngay kasugfunanan tagsiginan Eswa at talanan 973 Imer 1,052 Pasur 1,247 Karim 1,017

^43-45 Kayu tuy ngay taw Lebi at kasugfunanan at kinfoli siginan at fagatabananan: Eswa ay Kadmiel at ngay kasugfunanan siginan Udabya at talanan: 74 Asaf at ngay kasugfunanan tagsaful galubad sis Yawi at bale: 148 Salum, Ater, Talmun, Akub, Katita, ay Subay at ngay kasugfunanan, ngay tagulit Yawi at bale at ngay sakbawan: 138

^46-56 Kayu tuy sis Dius at bale fag ngay fagsuguan at ngay kasugfunanan at kinfoli siginan at fagatabananan: Sika, Kasufa, Tabaut, Kerus, Sia, Padun, Lebana, Kagaba, Salmay, Kanan, Gidel, Gakar, Reaya, Resin, Nekuda, Gasam, Usa, Pasea, Besay, Meunim, Nefusim, Bakbuk, Akufa, Arur, Baslut, Mekida, Karsa, Barkus, Sisera, Temak, Nesya ay Katifa.

^57-59 Ay Sulumun at ngay fagsuguan at kasugfunanan at kinfoli yangay siginan at fagatabananan: Sutay, Sufaret, Perida, Darkun, Aala, Gidel, Sefatya, Katil, Pukeret-Asebaim, ay Amun.

⁶⁰ Nu fagayu wan, sis Dius at bale fag ngay kasugfunanan ay Sulumun at ngay fagsuguan at kinfoli, 392.

⁶¹ Ay e nfoli yangay sas Erusalem siginan sangay furuan Tel-Melak, Tel-Karsa, Kerub, Adun, ay Imer. Dewa katanya, kanya fagayu wa mafatuyan te, sia fagayu sik ngay taw Israel.

⁶² Kanya fagayu Delaya, Tubya ay Nekuda at ngay kasugfunanan. Nu fagayu wan, 642.

⁶³ Ay anggan Kubaya, Akus ay Barsilay at ngay kasugfunanan wa yangay mafatuyan te, sik ngay tagfon fanggalangun. (Gina Barsilay nafamubay kanya nabul at nugangama Barsilay fag taw Gilyad at ngayan laman at ngayan.)

⁶⁴ Aroro kanya fagayu wa nalag at ngay mangaguyang at ngay ngayan sis fagrirukan, nu katanya, ngay taw wa nafili anya fagayu laman sik ngay tagfon fanggalangun.

⁶⁵ Ay talun Uda at fun sirut nalong anya fagayu te, kanya fagayu wa masine nangon ngay fakonun at nafon sas Dius, yakmay ngay tagfon fanggalangun nainsaful sas Dius siginans Urim ay Tumim fag fanginsaful, sabaliwa kanya fagayu nu sik tagfon fanggalangun.

^66-69 Nu fagayu wan at kinfoli siginan at fagatabananan 42,360, saman ya at ngay fagsuguan mangama ay mangena fag 7,337, ay tagsaful galubad fag 245k mangama ay mangena. Ay kanya fagayu gtabanan 736k kabayu, ay 245k mola, ay 435k kamelyu, ay 6,720k asnu.

⁷⁰ Ay tiba tagfangguna ngay talananan nagubuk laman gdog namalindug Yawi at bale. At fun sirut nafon waluk fabudbungguan gintu, ay limak safuluk taya at fagagbilugun sis Dius at bale, ay 530k lanbung laman sa sangay tagfon fanggalangun.

⁷¹ Ay tibak tagfangguna talananan at nafon, 168k fabudbungguan gintu, ay 1,200k fabudbungguan sanbung salapi.

⁷² Tibak taw at nafon nu fagayu wan, 168k fabudbungguan gintu, ay 1,100k fabudbungguan sanbung salapi, ay 67k lanbung laman sa sangay tagfon fanggalangun.

⁷³ Sanya ginan, galay at sadi noli wan sat mesa furuan, anggan ngay tagfon fanggalangun, ngay taw Lebi, ngay tagulit sis Dius at bale at ngay sakbawan, ngay tagalubad, ay anggan ngay fagsuguan sis Dius at bale.