Nemyas 3 - Fanawbuid tagsibaliwas Fakayabian

Nadog yay Nawat Erusalem at Alad

¹ Elyasib fag fun tagfon fanggalangun ay tiba yak tagfon fanggalangun nawat Tupa fag Sakbawan, ay nu ntabu wan, nafatigwanan wan sas Dius. Ay kanya fagayu nawat ay nafatigwanan ngay alad sitsigons fagulitan at ngayan Sadik Sandan, ay sas Kananel fag fagulitan.

² At nawat at fadogan fag afud alad, ngay taw Eriku, ay sanya ginan, Sakur, Imri at baguama nasugfun.

³ Ay Asena at ngay baguama nawat Albon fag Sakbawan. Ay kanya fagayu nafae turuk sakbawan ay nafae dingding wa dayun.

⁴ Ay at nawat at fadogan fag afud alad, Meremut, Uryas at baguama, ay Akus at fufu. Ay at nawat at fadogan fag afud alad, Mesulam, Berekya at baguama, ay Mesesabel at fufu. Ay at nawat at fadogan fag afud alad, Saduk, Baana at baguama.

⁵ Ay at nawat at fadogan fag afud alad, ngay taw Tekwa. Dewa katanya, at ngay tagfangguna wa kaylat gfakamulun kata at longan.

⁶ Ay at nawat at Dan fag Sakbawan, Uyada, Pasea at baguama, ay Mesulam, Besudya at baguama. Ay kanya nawat yangay turuk sakbawan ay nafae ngay dingding ay nafae ngay famatawad.

⁷ Ay at nawat at fadogan fag afud alad, Melatya sik taw Gibyun, ay Adun sik taw Merunut. Kafag duak furuan tagsis Eufrates at fakayabian baliwa fag fun sirut at fagagbilugun.

⁸ Ay at nawat at fadogan fag afud alad, Araya at baguama Usyel fag takawat ngay fagagbilugun siginans gintu. Ay at nawat at fadogan fag afud alad, Kananya, fag takawat famaebebanglu. Duama nawat Erusalem at afud alad sitsigon tagbia fag alad.

⁹ Ay at nawat at fadogan fag afud alad, Refaya, Kur at baguama tagfunan sik afud furuan Erusalem.

¹⁰ Ay at nawat at fadogan fag afud alad, Edaya, Arumaf at baguama. Kanya wan at nawat alad sit aturunan bale, ay Katus, Kasabneya at baguama nawat sik afud alad sit day bale.

¹¹ Malkya, Karim at baguama, ay Kasub, Pakat-Muab at baguama, kanya fag dua at nawat sik afud alad ay bale tangabat fagulitan at ke fagfatamaan.

¹² Ay at nawat at fadogan fag afud alad, Salum, Alues at baguama, tagfangguna sik afud furuan Erusalem. Ay at ngay baguina nagubuk yangay anya.

¹³ Ay at nawat sakbawan tagsabaliwas datag, Kanun, ay ngay taw Sanua. Kanya fagayu nafasine sanya fag ngay sakbawan ay nawat yangay turuk sakbawan ay nafae dingding wa dayun. Ay nawat yangay sik afud alad ufatk sandan limak safuluk sangbada sitsigons Sakbawan Fagnangukasan Nakaurian.

¹⁴ At nawat Sakbawan Fagnangukasan Nakaurian, Malkya, Rekab at baguama, kanya sik tagfangguna sik afud talun Bet-Akerem. Kanya nawat yangay sakbawan turuk ay nafae ngay dingding ay nafae ngay famatawad.

¹⁵ At nawat Bulbug fag Sakbawan, Kul-Kuse, Salum at baguama, kanya tagfangguna sik afud talun Mispa. Ay nafae ugun ay nawat yangay turuk sakbawan ay nafae ngay dingding wa dayun. Kanya nawat yangay fagigusan at alad sis Siluam, munakbang sis fun at tanuman sitsigons tagtagbung fag dalan siginans Dabid at furuan daul.

¹⁶ Ay Nemyas, Asbuk at baguama, tagfangguna sik afud talun Bet-Sur. Kanya at nawat sik afud alad sabaliwas fagfolian Dabid ay gtaglayun sat fagfungsuan mamam sitsigon ngay tagfawayan at fagmafulan.

¹⁷ Ay at nawat at fadogan fag afud alad, ngay taw Lebi, tagfangguna Rekum, Bani at baguama. Ay at nawat at fadogan fag afud alad, Kasabya fag tagfangguna sik afud talun Keyla.

¹⁸ Ay at nawat at fadogan fag afud alad, fagayu at kaiban fag ngay taw Lebi, tagfangguna Binwi, Kenadad at baguama ay sik tagfangguna yangay sik afud talun Keyla.

¹⁹ Ay at nawat at fadogan fag afud alad, Eser, Eswa at baguama, tagfangguna sis Mispa. Kanya at nawat sik afud alad tagsalubang sas fagfungsuan famawayan sitsigons fugungan alad.

²⁰ Ay Baruk, Sabay at baguama, maseganama nu gfakamulun, siginan kafag fugungan alad sitsigons Elyasib fag fun tagfon fanggalangun at sakbawan bale.

²¹ Ay at nawat at fadogan fag afud alad, Meremut, Uryas at baguama ay Akus at fufu. Kanya at nawat sik afud alad siginans Elyasib at sakbawan sitsigon at bale.

²² Ay at nawat at fadogan fag afud alad, tagligung Erusalem fag ngay furuan at ngay tagfon fanggalangun.

²³ Benamin wan ay Kasub at nawat alad sit aturunan bale. Ay Asarya, Maaseya at baguama ay Ananya at fufu, nawat sik afud alad sit day bale.

²⁴ Ay Binwi, Kenadad at baguama, nawat sik afud alad siginan Asarya at bale sitsigons fugungan alad.

²⁵ Ay Palal, Usay at baguama nawat sik afud alad siginans fugungan ay sitsigon at bale ngabat fagulitan adamvl yap tua alad, sis aturunan fun at bale daul, munakbang si sangay tagulit at fagmafulan. Ay at nawat at fadogan fag afud alad, Pedaya, Parus at baguama,

²⁶ gadgaloan ngay fagsuguan sis Dius at bale tagbanwan sis buksul Ufel. Kanya fagayu nafalindug sik afud alad tagsabaliwas fakamenitan, sitsigons Mamam fag Sakbawan ay sat bale ngabat fagulitan adamvl yap alad.

²⁷ Ay at nawat at fadogan fag afud alad, ngay taw Tekwa. Kanya fagayu nawat sik afud alad siginan at bale ngabat fagulitan adamvl yap alad, sitsigons Ufel at alad. Kanya at faduak afud at nawat.

²⁸ Ngay tagfon fanggalangun at nawat alad tagundaud siginans sakbawan at nafangayan te, Kabayu. Galay at sadi, nawat alad sit mesa aturunan bale.

²⁹ Ay at nawat at fadogan fag afud alad, Saduk, Imer at baguama. Kanya nawat sik afud alad sit aturunan bale. Ay at nawat at fadogan fag afud alad, Semaya, Sekanyas at baguama, sik tagulit Sakbawan sis Fakamenitan baliwa.

³⁰ Ay at nawat at fadogan fag afud alad, Kananya, Selemya at baguama ay Kanun, Salaf at faunumk baguama. Ay at nawat at fadogan fag afud alad, Mesulam, Berekya at baguama. Kanya nawat sik afud alad sit aturunan bale.

³¹ Ay at nawat at fadogan fag afud alad, Malkya sik takawat nusnge wain at fangawat gintu. Kanya nawat sik afud alad sitsigons ngay tagfakamulun sis Dius at bale ay ngay tagfalao at bale, sis aturunan Fagnangafulan fag Sakbawan ay sitsigons suluk tagsis tungud alad.

³² Ay at nawat alad sitsigons Tupa fag Sakbawan, ngay takawat nusnge wain at fangawat gintu, ay ngay tagfalao.