Nemyas 11 - Fanawbuid tagsibaliwas Fakayabian

Ngay Tagbanwan sis Erusalem

¹ Ginanya fag buknga, taw Israel at ngay tagfangguna gbanwan sis furuan Erusalem. Ngay taw nafafidfilian laman siginan galay safuluk talanan mesa sadik talanan, at namanwan sas Erusalem, ay at siam banwani way sit mesa furuan.

² Nu katanya, ngay taw nauseganan sa kafag ngay talanan at mafalganan namanwan sas Erusalem.

^3-4 Tibak taw Israel, ay ngay tagfon fanggalangun, ay ngay taw Lebi, ay sis Dius at bale fag ngay fagsuguan, ay anggan Sulumun at ngay kasugfunanan at ngay fagsuguan, gfataglayun nu gbanwan sis talun Uda at ngay furuan ayu sirut. Ay tibak taw Uda ay taw Benamin nu gbanwan, siwas Erusalem. Kayu tuy ngay tagfangguna sis talun Uda ay Benamin, tagbanwan sis Erusalem. Tagsiginans Uda at ngay kasugfunanan: Ataya, Usya at baguama; (Usya, Sakaryas at baguama; Sakaryas, Amarya at baguama; Amarya Sefatya at baguama; Sefatya Maalalel tagsiginan Peres at gaban);

⁵ ay Maaseya, Baruk at baguama; (Baruk, Kul-Kuse at baguama; Kul-Kuse, Kasaya at baguama; Kasaya, Adaya at baguama; Adaya, Uyarib at baguama; Uyarib, Sakaryas at baguama tagsiginans Sela at gaban.)

⁶ Ay sas Peres at gaban e ufatk sandan unumk safulu e waluk mangama at maseganama tagbanwan sis Erusalem.

⁷ Tagsiginans Benamin at gaban: Salu, Mesulam at baguama; (Mesulam, Ued at baguama; Ued, Pedaya at baguama; Pedaya, Kulaya at baguama; Kulaya, Maaseya at baguama; Maaseya, Ityel at baguama; Ityel, Esaya at baguama),

⁸ fadogan at nalo Salu, Gabay ay Salay, ay at kalongan fag siamk sandan duak safulu e walu.

⁹ At tagfangguna Uel, Sikri at baguama ay at fadua Uda, Asenua at baguama.

¹⁰ Kayu tuy ngay tagfon fanggalangun at namanwan: Edaya, Uyarib at baguama; ay Akin;

¹¹ Ay Seraya, Kilkya at baguama; (Kilkya, Mesulam at baguama; Mesulam, Saduk at baguama; Saduk, Merayut at baguama; Merayut, Akitub at baguama, tagfangguna sis Dius at bale),

¹² ay anggan at ngay fadgaloan tagfakamulun sis Dius at bale fag waluk sandan duak safulu e dua; Ay Adaya, Erukam at baguama; (Erukam, Pelalya at baguama; Pelalya, Amsi at baguama; Amsi, Sakaryas at baguama; Sakaryas, Pasur at baguama; ay Pasur, Malkya at baguama),

¹³ ay anggan Adaya at fadgaloan fag duak sandan ufatk safulu e dua, kanya fagayu tagfangguna at ngay talanan; ay Amasay, Asarel at baguama; (Asarel, Asay at baguama; Asay, Mesilemut at baguama; Mesilemut, Imer at baguama),

¹⁴ ay Amasay at fadgaloan fag sadik sandan duak safulu e waluk mangama at maseganama. Tagfangguna anya fagayu, Sabdyel, Agedulim at baguama.

¹⁵ Siginan ngay taw Lebi: Semaya, Kasub at baguama; (Asub, Asrikam at baguama; Asrikam, Kasabya at baguama; Kasabya, Buni at baguama);

¹⁶ ay Sabetay ay Usabad ngay taw Lebi at tagfangguna. Sa wa anya fagdua at fagfatigwanan tagfangguna ngay fakamulun sis Dius at bale;

¹⁷ ay Matanya, Mikas at baguama; (Mikas, Sabdi at baguama; Sabdi, Asaf at baguama.) Matanya tagfangguna gina maful guseganan ay gdarangin; ay Bakbukya, Matanya at faudgufudan; ay Abda, Samwa at baguama (Samwa, Galal at baguama; Galal, Edutun at baguama.)

¹⁸ Nu fagayu wan taw Lebi tagbanwan sis Erusalem, duak sandan ufatk safulu e walu.

¹⁹ Ay at namanwan sas Erusalem fag ngay tagulit sis Dius at bale at ngay sakbawan, Akub ay Talmun, ay at ufud fag sadik sandan fituk safulu e dua.

²⁰ Ay tibak taw Israel, anggan ngay tagfon fanggalangun ay ngay taw Lebi, gbanwan sit ngay mangaguyang at nafon fag ngay furuan sis talun Uda.

²¹ Dewa katanya, ngay fagsuguan sis Dius at bale, nu gbanwan si ways Ufel at fagagbilugun fag ngay buksul. Ay at tagfangguna, Sika ay Gispa.

²² Tagfangguna ngay taw Lebi sis Erusalem, Usi, Bani at baguama (Bani, Kasabya at baguama; Kasabya, Matanya at baguama; Matanya, Mikas at baguama.) Ay Usi tagsiginan Asaf at gaban, kanya sik tagsaful galubad sis Dius at bale.

²³ Tagsugu nusnga setaw at fakamulun, at fun wan.

²⁴ Ay Petakya, Mesesabel at baguama, tagsiginan Sera at gaban, Uda at baguama, ay talun Israel at fagsuguan sas Persya at fun.

²⁵ Tibak taw Uda gbanwan si sangay furuan at munakbang sit talun, ay tibak taw nu gbanwan sis Kiryat-Arba, Dibun, Ekabseel, ay sit ligung fag ngay furuan.

²⁶ Ay tiba gbanwan si sangay furuan Eswa, Mulada, ay Bet-Pelet,

²⁷ ay sis Kasar-Sual, Beerseba ay sit ligung fag ngay furuan.

²⁸ Ay e gbanwan yangay sis Siklag, Mekuna, ay sit ngay ligung fag ngay furuan,

²⁹ ay sis furuan En-Rimun, Sura, Armut,

³⁰ Sanua, Adulam, ay sit ligung fag ngay furuan. Ay tiba nu gbanwan sis furuan Lakis ay sit munakbang fag ngay fagtanuman, sis furuan Aseka ay sit ligung fag ngay furuan. Nu katanya, ngay taw gbanwan sis talun Uda siginans Beerseba sitsigons datag Ben-Inum.

³¹ Ay Benamin at ngay kasugfunanan gbanwan sis furuan Geba, sis Mikmas, sis Aya, ay sis Betel, ay sit ligung fag ngay furuan.

³² Ay tiba gbanwan sis furuan Anatut, Nub ay Ananya,

³³ ay sis furuan Kasur, Rama ay Gitaim,

³⁴ ay sis furuan Adid, Sebuyim, ay Nebalat,

³⁵ ay sis furuan Lud, Unu, ay sat nafangayan te, Ngay Tagfakamulun fag Datag.

³⁶ Ay tibak taw Lebi tagbanwan sis talun Uda, nu gbanwan magamut wan sis Benamin fag ngay taw.