Isayas 12 - Fanawbuid tagsibaliwas Fakayabian

Sik Famauseganan fag Alubad

¹ Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

² Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

³ Nu setain sik mamam marios nu mafafauseganan sik taw takadanum, katanya yangay anggan am, useganani sas Yawi siginan at nafalangfe ayu.

⁴ Ginanya ban fag menit, nangalubad am te, “Fagayu am fauseganani Yawi! Segi anya! Foyungi sas fagayu taw at ngay nafakamulun.

⁵ Alubadi sas Yawi aroro at ngay nafakamulun madulo. Ay foyungi sa sangay taw sas fagdaul daga.

⁶ Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”