Fakasigadan 5 - Fanawbuid tagsibaliwas Fakayabian

Adan at ngay Kasugfunanan

¹ Katatuy at rirukan sabaliwa Adan talanan. (Dius gina nangawat taw, nawat kata anya.

² Ay nawat mangama ay mangena, ay sanya ginan, nafadante ay nafangayan te, “taw.”)

³ Adan nung wa sadik sandan tuluk safuluk banwa, anke sisian sik munama takata anya, ay nafangayan anya te, Set.

⁴ Ay siginan Set nu kasalug, Adan nu gleleg walu yak sandank banwa ay anfamut yay at ngay sisian.

⁵ Adan anbul gina at banwa siamk sandan tuluk safulu.

⁶ Set at banwa nung wa sadik sandan lima, ansalug at sisian sik munama at ngayan Enus.

⁷ Ay siginan Enus nu kasalug, Set nu gleleg waluk sandan e fitu yak banwa ay anfamut yay at ngay sisian.

⁸ Ay Set anbul gina at banwa siamk sandan labi dua.

⁹ Enus at banwa nung wa siamk safulu, ansalug at sisian sik munama at ngayan Kenan.

¹⁰ Ay siginan Kenan nu kasalug, Enus nu gleleg waluk sandan labi lima yak banwa ay anfamut yay at ngay sisian.

¹¹ Ay Enus anbul gina at banwa siamk sandan lima.

¹² Kenan at banwa nung wa fituk safulu, ansalug at sisian sik munama at ngayan Maalalel.

¹³ Ay siginan Maalalel nu kasalug, Kenan nu gleleg waluk sandan ufatk safulu yak banwa ay anfamut yay at ngay sisian.

¹⁴ Ay Kenan anbul gina at banwa siamk sandan sadik safulu.

¹⁵ Ay Maalalel at banwa nung wa unumk safulu e lima, ansalug at sisian sik munama at ngayan Yared.

¹⁶ Ay siginan Yared nu kasalug, Maalalel nu gleleg waluk sandan tuluk safulu yak banwa ay anfamut yay at ngay sisian.

¹⁷ Ay Maalalel anbul gina at banwa waluk sandan siamk safulu e lima.

¹⁸ Yared at banwa nung wa sadik sandan unumk safulu e dua, ansalug at sisian sik munama at ngayan Inuk.

¹⁹ Ay siginan Inuk nu kasalug, Yared nu gleleg waluk sandan yak banwa ay anfamut yay at ngay sisian.

²⁰ Ay Yared anbul gina at banwa siamk sandan unumk safulu e dua.

²¹ Inuk at banwa nung wa unumk safulu e lima, ansalug at sisian sik munama at ngayan Metusela.

^22-24 Ay siginan Metusela nu kasalug, Inuk nu gleleg tuluk sandan yak banwa ay anfamut yay at ngay sisian ay kanya gafanud tua sas Dius. Ay Inuk at banwa nung wa tuluk sandan unumk safulu e lima, kanya nalyam wan aroro Dius nataban anya.

²⁵ Metusela at banwa nung wa sadik sandan waluk safulu e fitu, ansalug at sisian sik munama at ngayan Lamek.

²⁶ Ay siginan Lamek nu kasalug, Metusela nu gleleg fituk sandan waluk safulu e dua yak banwa ay anfamut yay at ngay sisian.

²⁷ Ay Metusela anbul gina at banwa siamk sandan unumk safulu e siam.

²⁸ Ay Lamek at banwa nung wa sadik sandan waluk safulu e dua, ansalug at sadi at munama.

²⁹ Ay nalong te, “Tuy ban ku baguama at mafagubuk antam sa tam ngay fagidapun at maksvn sabaliwa nu gfananumun tam aroro sas Yawi at nafaurianan fagdaul daga, nu katanya, gfangayan au anya te, Nui.”

³⁰ Ay siginan Nui nu kasalug, Lamek nu gleleg limak sandan siamk safulu e lima yak banwa ay anfamut yay at ngay sisian.

³¹ Ay Lamek anbul gina at banwa fituk sandan fituk safulu e fitu.

³² Ay Nui at banwa nung wa limak sandan, ansalug at ngay sisian munama Sem, Kam, ay Afet.