Alubad. 98 - Fanawbuid tagsibaliwas Fakayabian

Alubad 98 Segi Dius aroro Sia wan Tagwabilug

Sik alubad.

¹ Alubadi sas Yawi sik bagu fag alubad, aroro kanya nafakamulun nusnge wain at madulo, ay siginan at fagmabalyananun ay at fagmabitsugun nababo at ngay fawayan.

² Yawi nafalag sas fagayu talun te, e fagmakatuun gfalangfe, ay e fagmatuyanun yangay.

³ Kanya di kalyam nu kesug ay nu matuyan sa antam fag ngay taw Israel. Ay ngay taw sas fagdaul daga nalag tam Dius nu gfalangfe antam.

⁴ Fagayu taw sas fagdaul daga, useganani uroi sas Yawi ay alubadi sa anya.

^5-6 Alubadi ngay alubad famauseganan Yawi, ay fawangi fagfawangun ke ngay bakyang ay budyung. Anud, alubadi sas Yawi tam Fun!

⁷ Fagdaul daga ay fagayu tagsanya, useganani, ay anggan dagat ay fagayu tagsanya, useganani yangay.

^8-9 Maksvn ngay liskung ay ngay buksul nu gasfuan galubad sis Yawi at daga salubangan, aroro Yawi kadasug wan laman nanginsaful fagayu taw sas fagdaul daga. Ay kanya di e fagfili nu nanginsaful fagayu talun at ngay taw.