Alubad. 87 - Fanawbuid tagsibaliwas Fakayabian

Alubad 87 Fagusegananun laman sas Erusalem

Kura at ngay kasugfunanan at rirukan fag alubad.

^1-2 Yawi nafalindug furuan Erusalem sit mafasamanan fag buksul. Ay nu kesug, gtungud yap tua tibak furuan sis talun Israel.

³ Erusalem, Dius at furuan, dungugani Dius at ngay longan masine sabaliwa emu!

⁴ Glong te, “Nu nanriruk kway ro ngay talun tagtoglag angku ay at kinsik ngay taw Erusalem, ku fagrirukun ro: talun Igiptu, talun Babilunya, ay griruk kyangay ro anggan ngay taw Filistia, ay ngay taw Tiru, ay ngay taw Etiupya. Ay gtuyan kyangay ban te, ‘Anggan kanya fagayu kata nu kasalug sis Erusalem.’ ”

⁵ Katatuy at longan sabaliwas Erusalem: Fagayu ban gaban taw, umsik ngay taw Erusalem wan, kata nu sanya wan nu kasalug. Ay Tiba Tungud fag Dius gfaksvn kafag furuan.

⁶ Gina Yawi griruk kafag ngay gaban taw, kanya nariruk te, “Kanya fagayu, ngay taw Erusalem wan.”

⁷ Kanya fagayu nangalubad ay namalelegan at ngay afud bilug ay nanlong sas Erusalem te, “Si wa emu fagayu em fagayudanun nusnge wain.”