Alubad. 85 - Fanawbuid tagsibaliwas Fakayabian

Alubad 85 Darangin laman sas Talun Israel at Fagmanabayanun

Laman sa tagfangguna alubad: Kura at ngay kasugfunanan at alubad.

¹ Yawi, nafae fagmasineun o am nafili fag daga. Nadog o nafae fagmanabayanun am ngay taw Israel.

² Nafalyam tuo am ngay taw at nafakamulun mauri, ay fagayu at ngay asalanan,

³ ay nafalyam yangay o am dotama.

⁴ Dius em tagfalangfe, fafolii em fagmanabayanun, ay falyami wan am dotama sa emi.

⁵ O nunda ban kaduge ami gleleg kadotama way o gugat emi, anggan sas fagayu em ngay kasugfunanan?

⁶ O nunda ban wo gfafoli ya em fagmabitsugun, laman mafauseganan ami emu?

⁷ Yawi, falagi sa emi te, mafangesug tuo, ay falangfei emi.

⁸ Nandungugan au Dius at longan. Kanya namatuyanan fagmanabayanun sa antam at nafili ay at matuyan fag ngay taw. Nu katanya, lag ban tam kafoli ya sa tam fagyudun mamatanganan.

⁹ Anud, kanya mafalganan gugat gfalangfe fagayu tagsuyu anya, laman gfalag te, at fagmabalyananun si tua antam ay si tam talun.

¹⁰ Fagmafangesugun ay fagmatuyanun masadi; fagmanabayanun ay fagyudun e malong masadi yangay.

¹¹ Fagmatuyanun siginans banwa, ay gtugbung ste sdaga.

¹² Anud, Yawi ban gfon antam fagmanabayanun, ay umkayu ban tam gutluan sa tam ngay gamasun.

¹³ Fagmatuyanun kata sik taglong, tagguna kadasug laman namalganan Fun at dalan.