Alubad. 82 - Fanawbuid tagsibaliwas Fakayabian

Alubad 82 Dius at Longan sat Mauri fag ngay Tagfangguna

Asaf at alubad.

¹ Dius gfangguna at ngay taw nu maful. Sis wabilug ngay tagfangguna, kanya wan taginsaful.

² Ay kanya nalong sa anya fagayu te, “Seduge ya ban nu yud matuyan nu gfawabilugan am? Ay seduge ya ban nu gfadiuganan am gugat at mauri fag ngay taw?

³ Fadiuganani tua ngay taw at yud e fagmakatuun, ay gubuki at yud e ngay fagtainan ya, ay gubuki yangay tagayudan ay tagafalingunan.

⁴ Ay falangfei tua at mamomuy ay tagayudan siginan at mauri fag ngay taw.

⁵ Ngay taw takamalingun, wam e fagsafulun! Ay wam gtogdungug! Nu katanya, kata wayam ngay taw taginkalyaman sisad dulum, ay fagdaul daga we fagmanabayanun ya aroro nalyam wan fagmatuyanun.

⁶ Nalong au ayu te, ‘Am wan sik ngay dius, ay am yangay, Tiba Tungud fag Dius at ngay sisian.’

⁷ Dewa katanya, kabul way ban am kata tibak tagfangguna, ay kata ngay taw sas fagdaul daga.”

⁸ Dius, faurianani wan ngay talun sas fagdaul daga, aroro kanya fagayu am fagagbilugun way.