Alubad. 8 - Fanawbuid tagsibaliwas Fakayabian

Alubad 8 Dius at Fagmabalyananun Kadungug sas Fagdaul Daga

Laman sa tagfangguna alubad: Dabid at alubad. Gasfuan nu gfawang fagfawangun ke bakyang.

¹ Yawi, em Fun, am fagmabalyananun kalag sas fagdaul daga! Ay am fagmasineun kalag anggan sas banwa.

² Ngay ngenge ay sisian am nafalganan laman gfauseganan emu, laman am fawayan umkapla.

³ Nu natangda au sas banwa, nalag au magdanun ay ngay galeme, kanya fagayu sit mesa fagtungkudan.

⁴ Ay ginto au te, nataw ngay taw at kamafanudan am fagamatanganun ay am fagalagaun tua fia anya?

⁵ Nawat o anya sit daga vtv ngay tagbarita, ay nafon o anya fagmabalyananun kata nu gfon o sa sik fun.

⁶ Ay namagbilug o sa sangay taw fagayu am ngay awatan:

⁷ kata ngay tupa, ngay baka ay fagayu at mela,

⁸ ay manuk tungud, ay ngay albon ay tiba yak tagleleg sis lino.

⁹ Yawi, em Fun, am fagmabalyananun kalag sas fagdaul daga!