Alubad. 70 - Fanawbuid tagsibaliwas Fakayabian

Alubad 70 Darangin laman Dius Ggubuk

Laman sa tagfangguna alubad: Dabid at nariruk. Sik fagetun.

¹ Yawi, ku Dius, gfainfanyuan au get sa emu te, falangfei ay masakiti gubuki angku.

² Ngay taw nangus tagyafabulun ay takauri angku at ngay algan takatanya umragang ay umkalyam wan.

³ Ngay taw nangus tagfalingun angku, gababawan wan ay umkapla.

⁴ Ay dewa katanya, fagayu nangus takakbang sa emu, guseganan tua aroro sa emu. Ay fagayu takaylat am famalangfe, guro tua nangus gugat te, “Dius mabalyanan tua!”

⁵ Dius, aroro sik yud kway e kwa, ay sik tagayudan, amatangi tua nangus gugat angku. O wan ku taggubuk, ay o yangay ku tagfalangfe. Yawi, gubuki wa angku.