Alubad. 64 - Fanawbuid tagsibaliwas Fakayabian

Alubad 64 Darangin laman Dius Gdiri siginan at Mauri fag ngay Taw

Laman sa tagfangguna alubad: Dabid at alubad.

¹ Dius, dungugi nu guro au! Ay falangfei angku siginan ku fawayan nu kamalingun.

² Dirii angku siginan kafag ngay taw at ngay algan mauri.

³ At ngay nalong mauri way gugat, kata sik fiso tagsumbalian at uyup, ay kata sik banyas matares.

⁴ Kanya fagayu nu garingang sat matuyan fag ngay taw, mauri way. At kaksvnan nu mauri kata sik taw tagsuksuan at masakit nu gfana yud gadgaragun.

⁵ Kanya fag ngay taw mauri gfadfaksvnan at amatanganan sa nu namakamulun at mauri. Ay gkamatoan te, “Inda ro nu gfasangdawan tam?” Ay glong te, “We glag antam.”

⁶ Kanya fagayu at ngay algan, mauri way, ay glong te, “At kasine tam algan!” Ay at ngay amatanganan ay at basad taw maksvn nu mauri!

⁷ Dewa katanya, Dius gfana kanya fag ngay taw mauri, ay kanya fagayu masakit kae fakarukan.

⁸ Kanya fagayu umfaurianan aroro sat ngay nalong fag ngay mauri, ay fagayu at nalag anya gtadtaruyan kalimu.

⁹ Ngay taw sas fagdaul daga umlimu ban, ay gamatangan Dius at ngay nafakamulun ay gfoyung sat ngay iba.

¹⁰ Ay fagayu taw at matuyan nanguseganan ay nansarirung sas Yawi, ay fagayu tagfakamulun at matuyan namauseganan anya.