Alubad. 61 - Fanawbuid tagsibaliwas Fakayabian

Alubad 61 Darangin laman Dius Gdiri

Laman sa tagfangguna alubad: Gasfuan nu gfawang fagfawangun ke bakyang. Dabid at nariruk.

¹ Dius, gdarangin au get gubuk. Dungugi angku!

² Siginan sik fungfung daga, guro au emu aroro kwe fagsegun ya. Tabani angku sat mabayan fag fagsuksuanan,

³ aroro o wan ku fagsarigan, ay kata sik famalabag at mogat fag gang alad laman ku ngay fawayan wa masakbo.

⁴ Dius, fabanwani angku sim bale kabavn, ay dirii angku kata sik fanginan nu glub at ngay riangan sit daga fakfak.

⁵ Aroro nadungug tuo ku ngay fatuyanan, ay nafon tuo sa angku ku fagnangagbilugun kata am ngay nafon sas fagayu takalimu emu.

⁶ Famuti yap fun at leleg laman ban lumag yay ngayuk kasugfunanan.

⁷ Em Dius, kanya ban nangus gfunan gugat, ay wa kalyam sit amatanganan te, gfunan sim daga salubangan. Ay dirii anya siginan nu mafangesug o ay am fagmatuyanun.

⁸ Nu katanya, kabavn galubad au sik fagusegananun sa am ngayan, ay kayu menit gfon au emu ku ngay fanggalangun, kata ku nafatuyanan sa emu.