Alubad. 47 - Fanawbuid tagsibaliwas Fakayabian

Alubad 47 Dius wan at Fun sas Fagdaul Daga

Laman sas tagfangguna alubad: Kura at ngay kasugfunanan at alubad.

¹ Am fag ngay taw sas fagayu talun, fablangani ay mesa daluap! Fauseganani Dius ay alubadi uroi useganani.

² Yawi wan Tiba Tungud fag Dius, ay kanya sik fagsuyuun, ay sia wan fagdaul daga at Fun at mabalyanan.

³ Yawi nafagbilug wan sa antam fag ngay taw Israel ngay talun.

⁴ Kanya nafili sik talun laman tam fagagbilugun, Akub, Yawi at fakesugun, at fagfanagsagun.

⁵ Dius kaduge glao sat fagfagtainanan, ngay taw guro gseg ay gfawang at ngay budyung.

⁶ Alubadi ngay alubad tagfauseganan Dius. Alubadi ngay famauseganan sa tam Fun.

⁷ Dius wan fagdaul daga at Fun. Nu katanya, alubadi fauseganani anya.

⁸ Dius sit fagfagtainanan ay gfunan sas fagayu talun.

⁹ Ngay talun at ngay fun maful gasfuan Dius at ngay taw, ay Dius wan tagagbilug ngay fun sas fagdaul daga, aroro Dius wan tiba tungud!