Alubad. 43 - Fanawbuid tagsibaliwas Fakayabian

Alubad 43 Sik Taw at Natabanan at Darangin

¹ Dius, foyungi sa sangay taw te, kdi e asalanan. Balabagi angku siginan at mauri fag ngay taw, ay falangfei angku siginans ngay tagfandaya.

² Dius, o wan ku fagsarigan. Wain am fagnaiyanun angku? Wain ku fakabaluun gugat siginan ku ngay fawayan at famalingun angku?

³ Fayamagi ay foyungi sa angku am fagmatuyanun, laman gfangguna angku sam fagbanwanan fag buksul at yud e malong.

⁴ Dius, nu katanya, nangakbang au sas fagirugan fanggalangun laman sa emu. O wan tagfon angku at mauseganan. Ku Dius, gseg au emu siginan nu gfawang au fagfawangun.

⁵ Wain yay ku fakabaluun ay ku fagafanawaun? Umke fagsegun ktua nangus sa emu. Ku Tagfalangfe fag Dius, gdog kyay gfauseganan emu.