Alubad. 4 - Fanawbuid tagsibaliwas Fakayabian

Alubad 4 Darangin sad Yabi

Laman sa tagfangguna alubad: Dabid at alubad, gasfuan ngay fagfawangun ke bakyang.

¹ Dius, o wan taglong te, sik taw ktua matuyan. Balusi angku galay au gdarangin. Gina au sis fagidapun nafalangfe tuo angku. Katsi afanyui angku ay balusi ku darangin.

² Ku ngay fawayan, seduge ya ban nu gfalingun am angku? Ay seduge ya ban nu kesug am nusnge wain at yud e masuad ay nung am kamuagan?

³ Asafuli te, Yawi nafasaman at matuyan fag ngay taw laman sa anya. Nu katanya, Yawi gbalus tua ku ngay darangin.

⁴ Dewa am andotama, dangay am kae mamalong. Ay gina am gtaygilidan si ay fagtiugan, maragangani ay amatangani tua gugat takatanya.

⁵ Afanudi sas Yawi, ay foni sa anya ay ngay fanggalangun at kasakan.

⁶ Ngayuk taw taglong te, “We mafon ya sa emi nusnge wain fag famonun.” Yawi, afanyui emi.

⁷ Nu guseganan au sa emu, natungud tua ngay taw at nangayu at gutluan nu guseganan.

⁸ Nu katanya, manabayan tua nu gtiug au, aroro gdiri tuo gugat angku.