Alubad. 38 - Fanawbuid tagsibaliwas Fakayabian

Alubad 38 Tagidapan fag Taw at Darangin

Dabid at alubad. Sik fagetun laman Dius gamatang tua gugat anya.

¹ Yawi, lag yap gfaurianan angku siginan am dotama.

² Kata nu nafana o angku: am ngay banyas antaruk sa ku bilug, ay am daluap gtigna angku.

³ Anmomuy au, aroro kadotama o angku. Ay aroro sa ku ngay asalanan, ku katagluan wa maugali ya.

⁴ Kata nu malubguban au si ku ngay asalanan. Ku ngay asalanan kata sik famubaun ku fagyudun mad.

⁵ Aroro siginan ku fagyudun e fagsafulun, ku ngay buyu anbaga ay kayuk.

⁶ Grungan au gidapan aroro maksvn nu kasait au, ay fagngabak menit kabalu au maksvn.

⁷ Fagdaul ku bilug masait wan, ay wa maugali ya ku fagmabitsugun.

⁸ Ku bilug gmomuyan, kata nu nafalangan au. Ay gfandeng au aroro gidapan au gamatangan.

⁹ Yawi, nasaful wo fagayu ku algan. Ay gdungug tuo nu gwayway au gidapan.

¹⁰ Ku baga masakit nu gtulbu, ay ku fagmabitsugun gakalyamun wan, ay ku mata gakadulumun wan.

¹¹ Aroro sa ku fakasaitun, ku ngay fagadgalangan ay ku ngay fadgaloan, ay ku ngay kalongan gsaruyan wa angku.

¹² Ngay taw tagyafabulun angku gfasangdawan laman ggamat angku. Ay fagayu takaylat gfauri angku gkamatoan sabaliwa nu gfalyam angku. Ay fagngabak menit, kanya fagayu e algan laman nandaya angku.

¹³ Dewa katanya, kata au sik yud maringang ay sik yud gdungug.

¹⁴ Kata au sik yud gdungug, kwa gbalus anya fagayu.

¹⁵ Yawi, ku Dius, o wan ku fagfanyaun, ay balusi ku ngay darangin.

¹⁶ Get au sa emu te, “Salagi ku ngay fawayan nu guseganan gfalingun angku, aroro anbaba au, kata nu yud e tungkul ya.”

¹⁷ Aroro munakbang wan nu gakataygilidun au, ay wa karagang nu ganini.

¹⁸ Nu katanya, katsi glong au sa emu ku ngay asalanan tagfaidapan angku.

¹⁹ Ngayu ku ngay fawayan ay kadotama angku. Ay ngayu yangay takauri angku, deyud au e nafakamulun at mauri.

²⁰ Fagayu ku nafakamulun at masine, kanya fagayu at famangsi mauri way. Ay gfawayan gugat angku, aroro kabavn ku fagugatanun at masine tua fag fakamulun.

²¹ Yawi, ku Dius, lag o gfabayan angku, ay lag o kayayu siginan angku.

²² Ku Fun ay ku tagfalangfe, gubuki angku masakit!