Alubad. 36 - Fanawbuid tagsibaliwas Fakayabian

Alubad 36 Dius at Fagmatuyanun ay ngay Taw at Fagmauriun

Yawi at fagsuguan, Dabid, at nariruk laman sa tagfangguna alubad.

¹ Asalanan gfamatangan gugat at mauri fag ngay taw; kanya fagayu we fakalimuun ay wa gsuyu Dius.

² Kanya fagayu nu gamatangan at sadili, gtungud tua at iba. Ay wa nasaful at asalanan laman gubun tua.

³ Ay at longan fagayu mauri ay kamuag. Kanya wa gamatangan ya gfakamulun sabaliwa at masine ay ke fagsafulun.

⁴ Ay kanya dewa gtaygilidan, at ngay algan sa way gugat sfagmauriun. Ay at nafili fag ugali at yud way masine. Ay wa kaylat gubun fagmauriun.

⁵ Yawi, nu mafangesug o kadaul skiwang, ay am fagmatuyanun gdasug tua sas banwa.

⁶ Yawi, am fagmatuyanun mogat tua kata ngay buksul. Ay nu ginsaful o, kata dagat nu ngabasad. Ay gdiri tuo ngay taw ay anggan ngay fagbaugun.

⁷ Dius, maksvn tua nu kesug o, ay di e fakatabuan. Nu katanya, fagayu taw nansarirung sam daga fagmabalyananun, kata sik fanginan nu glub at ngay riangan.

⁸ Ay kanya fagayu gfangon kasakan sim bale, ay am famainum anya fagayu siginan sik liskung at mauseganan.

⁹ Aroro o wan takata sik bulbug tagfon leleg. Siginan am fagmayamagun, em ngay amatanganan ansine tua.

¹⁰ Fataglayuni nu kesug o ngay taw tagtoglag emu, ay gubuki ngay taw at matuyan.

¹¹ Lag kaylat ngay taw takamatungudun nu gsiad angku ay ngay taw mauri nu gaiyan angku.

¹² Nasaful au te, ngay taw mauri gababawan ban; kanya ban fagayu umtangda ay wa malindug ya!