Alubad. 3 - Fanawbuid tagsibaliwas Fakayabian

Alubad 3 Darangin Gina e Fagidapun

Fun Dabid at darangin gina glagyu at baguama Absalum

¹ Yawi, ngayu ku fawayan tagfabadbaboan angku te,

² “Dius wa gfalangfe ya anya!”

³ Ay at mafanud, o wan ku tagbalabag. Nafasik takadungug tuo angku, ay nafababo tuo angku sa ku ngay fawayan.

⁴ Nauro au emu ay nabalus tuo angku siginan am nafili fag buksul.

⁵ Natiug au ay anfulo ktua aroro gdiri tuo angku.

⁶ Kwa kalimu nusnga seyuk libu ku fawayan si ku ligung.

⁷ Yawi, ku Dius, gewan! Falangfei angku! Faplai ku ngay fawayan ay buli at fagmabalyananun gfaidapan angku.

⁸ Yawi, o way lang at mafalangfe. Am ngay famonun nangus sumawa fia am ngay taw.