Alubad. 29 - Fanawbuid tagsibaliwas Fakayabian

Alubad 29 Yawi at Aringang Mabalyanan

Dabid at Alubad

¹ Fagayu am tagsis banwa fag ngay awatan, segi Yawi, segi anya aroro sat fagmasineun ay at fagmabalyananun

² Longi anya te, “Am ngayan kadungug!” Segi anya aroro at fagmasineun di e malong.

³ Yawi at aringang kadkalungan, kata sik lingsi sis tungud dagat at lugwak.

⁴ Yawi at aringang mabalyanan ay mafanud.

⁵ Yawi at aringang mafafaramyuk ngay kayu sidru at mogat sis Lebanun,

⁶ ay mauig buksul Lebanun, ay Buksul Ermun, kata sik baka at riangan nu gtudtulbuan.

⁷ Yawi at aringang kata sik limbad.

⁸ Kanya mauig talun at yud e taw sis Kades.

⁹ Yawi nu naringang, tagbia fag ngay kayu guigan, ay at ngay don karabas. Ay fagayu tagsis Yawi at bale guro te, “Yawi mabalyanan!”

¹⁰ Yawi wan tagagbilug lugwak, ay kanya gfunan kabavn.

¹¹ Yawi gfon fagmabitsugun sat ngay taw ay gfon yangay fagmanabayanun.