Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Alubad. 24 - Fanawbuid tagsibaliwas Fakayabian


Alubad 24 Dius wan at Mabalyanan fag Fun
Dabid at Alubad

1 Yawi tua tagagbilug fagdaul daga, ay anggan fagayu tagsanya,

2 aroro kanya wan at nafalindug fagdaul daga at fagtungkudan sas bangsi dagat.

3 Sinu ro at manangundaud sas Yawi at nafili fag buksul? Ay sinu at masine nanmalindug sas Dius at bale?

4 Tagugali at masine, ay tagamatangan tua at matuyan, ay at yud gseg tibak fagsegan, ay at yud gfatuyanan laman kamuagan.

5 Takatanya ban fag taw mul famonun siginans Yawi. Ay at tagfalangfe fag Dius gfalyam wan at asalanan.

6 Takatanya tua fag ngay taw at manangakbang ay at mananseg Akub at Dius.

7 Nanluang am Dius at bale at ngay sakbawan at yud ginbalian, laman at mabalyanan fag Fun gsakbo!

8 Sinu at mabalyanan fag Fun? Kanya wan Yawi ay kanya at mabitsug ay at yud gababawan nu gfawayan.

9 Nanluang am Dius at bale at yud ginbalian fag ngay sakbawan laman at mabalyanan fag Fun gsakbo!

10 Sinu kanya fag Fun at mabalyanan? Yawi at Mabalyanan. Matuyan wan, kanya mandi at mabalyanan fag Fun.

Copyright © 2021 by OMF International, Philippines 

OMF International
ကြှနျုပျတို့နောကျလိုကျပါ:



ကြော်ငြာတွေ