Alubad. 20 - Fanawbuid tagsibaliwas Fakayabian

Alubad 20 Darangin laman Mababo

Laman sa tagfangguna alubad: Dabid at alubad.

¹ Yawi nangus gbalus emu gina o e fagidapun. Akub at Dius gdiri nangus emu.

² Dius nangus ggubuk emu siginan at bale tagsis furuan Siun.

³ Kanya nangus kaylat tua fia fagayu am fanggalangun, ay anggan yangay am fagnangirugun fag ngay fanggalangun.

⁴ Kanya nangus gfon emu fagayu am fagetun, ay ggubuk nangus emu gbabo kata am ngay algan.

⁵ Nu nababo tuo, guro ami gfauseganan Dius. Ay gfabat tam fagtoglagan laman famasaful te, tam Dius nababo. Yawi nangus gfon emu fagayu am fagetun.

⁶ Katsi nasaful au te, Yawi tua tagfababo at nafili fag fun. Ay kanya gbalus at darangin siginans banwa at yud e malong fag fagbanwanan, ay kanya gfababo siginan at fagmabalyananun.

⁷ E ngay taw tagseg at ngay kabayu ay at ngay faguyudan. Dewa katanya, itam, gseg tua tam Yawi, tam Dius.

⁸ Ay kanya fagayu ummomuy ay gtaglayun karit. Dewa katanya, ami mabitsug tuami gugat.

⁹ Yawi, fababoi am nafili fag fun ay dungugi em darangin.